Nin uelis timomachtis
Matimomachtikan “tlakuikalmej”
Lorraine tlen chanti Estados Unidos okijto: “Ijkuak sapanoua nimoyolkokoua, Jehová nechyolchikaua ika tlakuikalmej tlen katej itech JW Broadcasting®”.
Akinmej kichiuaj ken Cristo nochipa kitlakuikiliaj toTajtsin Dios para kiueyichiuaskej (Col. 3:16). Uelis timomachtiskej nonmej tlakuikalmej para amo tikinmilkauaskej. Ijkon uelis techpaleuiskej ijkuak amo tikpiaskej amochtli tlen ika titlakuikaj, se teléfono noso se tableta. Uelis tikchiuaskej nin tlamantli:
Matimajxilikan matikintlajtoltikan tlakuikalmej uan matikajsikamatikan tlen kijtouaj. Okachi amo oui tikilnamiktokej itlaj ijkuak kuali tikajsikamatij. Itech jw.org katej tlakuikalmej tlen kisaj itech JW Broadcasting uan noijki tlakuikalmej para konemej. Para tikinmajsis xikalaki kanin kijtoua “Amatlajkuilolmej” uan satepan xikalaki kanin kijtoua “Tlatsotsonali”.
Xikinmijkuilo itech se amatl tlakuikalmej. Non mitspaleuis xikinmilnamikto (Deut. 17:18).
Mamokaki ijkuak titlakuikas. Miak uelta xikintlajtolti tlakuikalmej uan xitlakuika.
Matikinmilnamikikan tlakuikalmej. Matitlakuikakan pero amo matikitakan ken ijkuilitok tlakuikali uan satepan matikitakan kox kuali otikchijkej.