TIKCHIUAJ KEN CRISTO
¿Tlen techmachtia tlen okichi Samuel?
Samuel nochipa okitlakamatki Jehová. Ijkuak okatka chokotsin amo okijto kichiuaskia tlen amo kuali ijkon ken okichiuayaj Hofní uan Finehás, ikoneuan Elí (1 Sam. 2:22-26). Jehová nochipa okipaleui Samuel ijkuak omoskaltijtia (1 Sam. 3:19). Ijkuak yokipiaya miak xiuitl nochipa okitlakamatki Jehová maski ikoneuan amo ijkon okichijkej (1 Sam. 8:1-5).
¿Tlen techmachtia tlen okichi Samuel? Takotsitsintin uan chokotsitsintin xikilnamikikan Jehová kajsikamati tlen nanmechpanoua uan kajsikamati ken nanmomachiliaj. Ye namechpaleuis xiyetokan nanyolchikauakej (Is. 41:10, 13). Tetajmej tla namokoneuan ayakmo kitekichiuiliaj Jehová, xikilnamikikan Samuel ijkon okipanok, ye amo okinchiualti ikoneuan ma kitlakamatikan Jehová. Ye okikauili Jehová ma kipaleui, nochipa okitlakamatki uan okiyolpakti. Tla tetajmej nochipa ijkon kichiuaj, xamo inkoneuan kinekiskej oksepa kitekichiuiliskej Jehová.
IJKUAK YOTIKITAK VIDEO MA TIKITAKAN TLEN TECHMACHTIAJ: SAMUEL, XIKINNANKILI NINMEJ TLAJTLANILMEJ:
¿Ken okiteititi chokotsin Samuel okatka yolchikauak?
¿Ken okiteititi Dani okatka yochikauak?
¿Tlen okichi Samuel ijkuak yokipiaya miak xiuitl?
Jehová kinpaleuia akinmej kichiuaj tlen kuali.
¿Tlen okichijkej itatajuan Dani?