IMIBUZO YEBHAYIBHILI IYAPHENDULWA
Umhlaba wadalelwani?
Umhlaba wadalelwa ukuthi ube likhaya elilabantu abathokozayo
Umhlaba wadalelwa ukuthi siphile kuwo. Ulamanzi amanengi njalo asingeke siphile singelamanzi emhlabeni. Ukubhoda kwawo kanye lezigaba zomnyaka kwenza amanzi olwandle angatshi aphele lokuthi angaqandi kakhulu aze abe lilitshe. Kanti njalo umkhathi lamandla angabonakaliyo ayimaginethi kwenza ukuthi umhlaba ungaphanjaniswa yimisebe yelanga etshisa kakhulu. Okunye okumangalisa kakhulu yikusebenzelana kwezihlahla lezinyamazana ukuze impilo iqhubekele phambili. Yikho abantu abanengi bevuma ukuthi umhlaba kawudalelwanga ize nje.—Bala u-Isaya 45:18.
Kodwa ungabe usuzibuza ukuthi: ‘Nxa umhlaba ungadalelwanga ize pho kungani kulobubi lokuhlupheka okungaka?’—Bala uDutheronomi 32:4, 5.
Izinto zizake zintshintshe yini emhlabeni?
Umhlaba wadalelwa ukuthi abantu bahlale kuwo bethokoza, behloniphana futhi bethanda uMdali wabo. Yikho-ke abantu batshiyene kakhulu lezinyamazana kanye lezihlahla. Bayakwazi ukuthi uMdali wabo ungubani njalo bayenelisa ukulingisela ukulunga kwakhe lothando lwakhe.—Bala umTshumayeli 12:13 loMikha 6:8.
UMdali wethu uyenelisa ukwenza konke akuhlosileyo. Ngakho singaba leqiniso lokuthi uzakususa ukuhlupheka lokungalungi abesesenza ukuthi umhlaba ube likhaya elingelazinhlupho njalo elilentokozo.—Bala iHubo 37:11, 29 lo-Isaya 55:11.