३५ “‘तिमीहरूको नजिकै बस्ने कोही इस्राएली गरिब भयो र आफ्नो जीवन धान्‍न नसक्ने भयो भने तिमीहरूमाझ बस्ने विदेशी र प्रवासीलाई जस्तै+ उसलाई मदत गर।+ यसो गऱ्‍यौ भने तिमीहरूमाझ रहेर उसले आफ्नो गुजारा चलाउन सक्नेछ। ३६ तिमीहरूले ऊसित ब्याज नलेओ वा ऊबाट फाइदा* नलेओ।+ तिमीहरूले आफ्नो परमेश्‍वरको डर मान्‍नू।+ यसो गऱ्‍यौ भने तिमीहरूमाझ रहेर उसले आफ्नो जीविका चलाउन सक्नेछ।

१९ “तिमीहरूले आफ्ना इस्राएली दाजुभाइलाई ऋण दिँदा त्यसको ब्याज नलिनू,+ चाहे त्यो ऋण पैसा होस्‌, खानेकुरा होस्‌ वा ब्याज लिन सकिने किसिमको ऋण नै किन नहोस्‌।

३४ त्यसैगरि यदि तिमीहरू जसबाट फिर्ता पाउने आशा गर्छौ, तिनीहरूलाई मात्र ऋण* दिन्छौ भने के नै ठूलो काम गरेका हुन्छौ र?+ किनकि पापीहरूले पनि त साँवा फिर्ता पाउनेगरि पापीहरूलाई ऋण दिन्छन्‌। ३५ बरु तिमीहरू आफ्ना शत्रुहरूलाई प्रेम गरिरहो अनि तिनीहरूको भलो गरिरहो अनि केही फिर्ता पाउने आशा नगरी ऋण दिइरहो।+ तब तिमीहरूले ठूलो इनाम पाउनेछौ अनि तिमीहरू सर्वोच्च परमेश्‍वरका छोराहरू हुनेछौ किनकि उहाँ बैगुनी र दुष्टहरूप्रति दयालु हुनुहुन्छ।+