Embo ‘Yandja oundombwedi nawanawa’ kombinga yOuhamba waKalunga
1. Embo lini lya li lya gandjwa poshigongi shoshitopolwa mo 2009?
1 Embo ‘Yandja oundombwedi nawanawa’ kombinga yOuhamba waKalunga, olya li lya gandjwa poshigongi shoshitopolwa mo 2009 momalaka gamwe, ihe ngashingeyi olya tolokwa moshikwanyama. Embo ndika otali kundathana kombinga yiiningwanima mbyoka yi li membo lyOmbiimbeli lyIilonga momukalo moka tagu nyanyudha omuleshi noonkondo. Embo Yandja oundombwedi itali kundathana ovelise novelise yembo lyIilonga, ihe otali hokolola iiningwanima yimwe po mbyoka yi li mo notali tu kwathele tu yi tule miilonga paumwene. — Rom. 15:4.
2. Tumbula iikalimo yimwe mbyoka yi li membo Yandja oundombwedi?
2 Oshikalimo shembo ndika: Pepandja eti-2, opu na efalamo tali nyanyudha omutima, ndyoka li li ontumwafo ya za kOlutuwiliki tayi yelitha nkene tatu vulu okumona uuwanawa membo ndika. Petameko lyontopolwa onti-2, opu na oohapu ndhoka tadhi yelitha elalakano lyontopolwa kehe nosho wo oovelise dhOmbiimbeli ndhoka tadhi kundathanwa dha kankamena kembo lyIilonga. Oontopolwa odhindji membo ndika odhi na iimpungu mbyoka tayi gandja omauyelele ge na ko nasha naantu, omahala nenge iiningwanima yontumba. Kooha dhomapandja galyo ogendji okwa thigwa ehala opo wu vule okunyola iinima mbyoka wa hala okundhindhilika. Membo omu na omathano giiningwanima yomOmbiimbeli mbyoka tayi tu kwathele tu kale twa fa tu yi wete, nopepandja lyahugunina opu na oshuuliki shoka tashi yelitha kutya oshike tashi ulikwa methano kehe. Meni lyepeko lyokonima nolyokomeho omu na uu-alita mboka tawu tu kwathele tu mone mpoka aalongelikalunga yomethelemumvo lyotango ya li ya tameke niilonga yawo yokutaandelitha onkundana ombwaanawa “sigo omiilongo ayihe yokombanda yevi.” — Iil. 1:8.
3. Omapulo ga simana geni embo lyIilonga tali yamukula?
3 Omayamukulo komapulo ga simana: Sho to konakona embo lyIilonga, otali ke ku kwathela wu mone omayamukulo ga yela kombinga yomapulo ga simana ge na ko nasha nuukalele wopaKriste. Pashiholelwa, iilonga yini netumwalaka lini hali ndhindhilikitha aalanduli yashili yaJesus Kristus? Olye ta wilike iilonga yokuuvitha muuyuni auhe, nohe shi ningi ngiini? Omahepeko nomathiminiko ohaga pe aakalele oompito dhashike? Ombepo ondjapuki otayi dhana onkandangala yini miilonga yetu yuukalele?
4. Ongiini tatu vulu okumona uuwanawa pakuudha sho tatu konakona embo Yandja oundombwedi?
4 Opo mu mone uuwanawa membo ndika, otamu vulu oku li konakona pEkonakono lyUukwanegumbo nenge lyopaumwene. Mu li uukwanegumbo nenge oohandimwe tedhatedheni nkene tamu vulu okutula miilonga muukalele shoka tamu ilongo membo ndyoka. Onkee ano, sho tatu konakona embo ndika lituntula nashi tu inyengithe tu uvithe nawanawa kombinga yUukwaniilwa waKalunga. — Iil. 28:23.