Jesus ‘okwi ilongo okuvulika’

Jesus okwa kala aluhe omuvuliki kuJehova. (Joh. 8:29) Ihe mbela omolwashike Ombiimbeli tayi ti: ‘Okwi ilongo okuvulika, sho a li ta hepekwa.’ — Heb. 5:8.

Sho a li kombanda yevi, Jesus okwa li i iyadha moonkalo ndhoka inaa enda mudho. Okwa putudhwa kaavali aatilikalunga, ihe inaya gwanenena. (Luk. 2:51) Okwi idhidhimikile okuungaungiwa naye nayi kaawiliki yomalongelokalunga nosho wo kaakwanepangelo. (Mat. 26:59; Mark. 15:15) Shimwe ishewe, “okwa ifupipike, nokwa vulika sigo omeso” enyanyalithi. — Fil. 2:8.

Oonkalo ndhoka odha li dha longo Jesus a kale omuvuliki momukalo omupe, sho a li kombanda yevi. Onkee okwa vulu okukala Omukwaniilwa a gwanenena nOmuyambi Omukuluntu, ngoka ha kala e tu uvitile olukeno. (Heb. 4:15; 5:9) Jesus okwa kala a hokiwa unene kuJehova noku na oshilonga kuye, konima sho i ilongo okuvulika omolwokumona iihuna hoka a pita muko. Natse otatu vulu okukala twa hokiwa kuJehova nota vulu oku tu pa oshinakugwanithwa kehe tu shi longe, uuna hatu vulika kuye nonando otwa taalela omaupyakadhi. — Jak. 1:4.