Mbela owu ulukila nale gumwe nkene ekonakonombiimbeli hali ningwa petalelopo lyotango?

Omathimbo gamwe ngele to pula omunegumbo mu kale hamu konakona Ombiimbeli, otashi vulika a tye ina hala nenge a tye ohaye yi konakona nale kongeleka yawo. Molwaashoka aantu kaye shi kutya ekonakonombiimbeli lyetu olya yoolokako kwaandyoka haya ningi kongeleka yawo, kaye shi wo ngele otaya vulu okwiilonga oshindji mekonakonombiimbeli noku li nyanyukilwa. Onkee ano, pehala lyoku mu pula owala ngele okwa hala a konakone Ombiimbeli, omolwashike itoo mu ulukile nkene hashi ningwa petalelopo lyotango? Katu na owala okukala hatu popi kutya ohatu konakona naantu Ombiimbeli, ihe natu ya ulukile wo kutya ohatu shi ningi ngiini pethimbo opo tuu mpoka. Uukalele Wetu wUukwaniilwa waMaalitsa 2006 (wOshiingilisa), pepandja 5 opu na omaetopo nkene tatu vulu oku shi ninga meni lyominute omishona.

“Mbela sho to tala opu na ngaa siku oohapu ndhika tadhi ka gwanithwa? [Lesha Jesaja 33:24 e to tegelele a yamukule.] Andiya ndi ku ulukile sha kombinga yaashoka.” Pa omunegumbo embo Omalongo gOmbiimbeli e to yanuna pepandja 36 e to mu ulukile okatendo 22. Lesha epulo ndyoka li li pevi e to lombwele omunegumbo a tale ngele ota vulu okumona eyamukulo sho to lesha okatendo. Konima ngele wa mana pula epulo ishewe e to pulakene sho ta yamukula. Lesha Omanyolo galwe pamwe naye. Pula epulo ndyoka to ya wu yamukule oshikando tashi ya e to ningi oshilage kutya oto galuka uunake. Komukalo ngoka owa tameka nale ekonakonombiimbeli.