Omalombwelo kwaamboka haya gandja iipopiwa mOkugongala kwoPailonga
Okutameka mUukalele Wetu wUukwaniilwa mbuka, omalombwelo gOkugongala kwoPailonga oga pupalekwa. Omalombwelo taga landula otage ke tu pa uuyelele waashoka sha li sha popiwa moshitopolwa “Nkene tu na okwiilongekidhila Okugongala kwoPailonga,” mUukalele Wetu wUukwaniilwa waMei 2009.
◼ Oshipopiwa: Omupopi oha longitha uuyelele mboka a pewa, ihe aapulakeni ihaya kutha ombinga. Oha gandja unene eitulomo kuuyelele mboka tawu kwathele egongalo.
◼ Oonkundathana dhomapulo nomayamukulo: Oshitopolwa shika ohashi ningwa sha fa ekonakono lyOshungolangelo, to pula omapulo guutendo auhe. Efalomo lyasho nehulitho oli li paufupi. Ngoka te shi ningi ke na okuninga omatyekosha unene. Ngele ethimbo otali shi pitike Omanyolo ngoka taga dhana onkandangala naga leshwe. Uutendo kawu na okuleshwa okuninga pwa gandjwa elombwelo shi ningwe.
◼ Oonkundathana naapulakeni: Moshitopolwa shika aapulakeni ohaya kutha wo ombinga. Oshitopolwa shika ohashi kala oshipopiwa, sho oonkundathana dhomapulo nomayamukulo.
◼ Omauliko nomapulapulo: Ngele oshitopolwa shoye oshi na omauliko otashi ti kutya owu na okulongekidha opo ga ningwe, to pula yamwe ye ku kwathele ye ga ninge. Mboka to pula ye shi ninge naya kale ya pyokoka noye li oshiholelwa oshiwanawa nowu na oku ya pula omanga ku na iiwike yontumba opo yi ilongekidhe. Ino pula aauvithi aape naamboka kaaye na owino oyo ya ninge omauliko molwaashoka wa hala owala ya mone ompito yokuya komutuni. Mboka aape naamboka kaaye na owino otaya vulu okulongithwa ongo aanegumbo. Aauvithi mboka taya ningi euliko naya kale ya taalela kaapulakeni. Mboka taya ka pulwa oye na okukala komutuni, ihe kaye na okugandja omayamukulo ye li miipundi. Oye na okukala yi ilongekidha komeho yethimbo. Ngele ethimbo olya ya omumwatate na ngonge paufupi oshitopolwa she, ihe ina teta mo omauliko nomapulapulo. Aayakuligongalo oye na okupula omuunganeki gwolutu lwaakuluntugongalo nenge omukuluntugongalo gulwe omanga inaya pula ya longithe gumwe.
Ngele oshitopolwa oshi na omalombwelo gi ikalekelwa oge na okulandulwa nawa. Uuna aamwatate taya gandja iitopolwa mOkugongala kwoPailonga taya landula omalombwelo ngoka ga popiwa metetekelo, nena okugongala otaku ka ningwa “palandulathano nopamukalo omwaanawa.” — 1 Kor. 14:40.