Elongo eti-3: Aantu ayehe aawanawa otaya yi megulu

Mbela elongo ndika olya tamekela peni? Konima yeso lyaayapostoli yaJesus, petameko lyethelemumvo eti-2 E.N., Aawiliki yotango yOngeleka oya kala ya simanekwa noonkondo. Embo eti-6 lyo-New Catholic Encyclopedia (2003), epandja 687, otali hokolola omalongo gawo tali ti: “Omalongo gawo oga li ga tsu omuthindo enyanyu lyomegulu ndyoka hali monika aniwa komuntu gwopambepo ngoka a yelithwa konima yeso lye.”

Ombiimbeli otayi ti ngiini? ‘Aanelago oomboka aaifupipiki, oshoka oyo taa ka thigulula evi.’—Mateus 5:5.

Nonando Jesus okwa li u uvanekele aalongwa ye kutya ote ke ya “longekidhila ehala” megulu, okwe shi ulike kutya haayuuki ayehe taya ka ya mo. (Johannes 3:13; 14:2, 3) Mbela ina galikana kutya ehalo lyoye nali gwanithwe ‘kombanda yevi wo ngaashi megulu’? (Mateus 6:9, 10) Eeno, aayuuki owala yomwaalu omushona ya tegelela oku ka pangela pamwe naKristus megulu. Ihe aayuuki oyendji otaya ka kala nomwenyo sigo aluhe kombanda yevi.—Ehololo 5:10.

Mokweendela ko kwethimbo, ongeleka yopetameko oya kala nokulundulula edhiladhilo lyayo kombinga yiilonga yawo kombanda yevi. Oshizemo shoka osha li shike? Embo The New Encyclopædia Britannica otali ti: “Ongeleka oye ende tayi pingene po Uukwaniilwa waKalunga mboka wa tegelelwa. Ongeleka oya tameke okukoleka oonkondopangelo dhawo mokwiimbwanga mumwe noopolotika noyi idhimbike oohapu dhaJesus ndhoka dha yela kutya aalongwa ye “kaye shi yomuuyuni.” (Johannes 15:19; 17:14-16; 18:36) Kohi yenwethomo lyOmupangeli Omuroma Constantine, ongeleka oya tameke okweetha po omalongo gawo gamwe, mwa kwatelwa limwe ndyoka tali popi kombinga yuukwatya waKalunga.

Yelekanitha oovelise dhOmbiimbeli ndhika: Episalomi 37:10, 11, 29; Johannes 17:3; 2 Timoteus 2:11, 12

OSHILI OYO:

Aantu oyendji aawanawa otaya ka kala nomwenyo sigo aluhe kombanda yevi, ihe hamegulu

[Ethano pepandja 6]

[Ethano pepandja 6]

[Uuyelele wu na sha nethano pepandja 6]

Art Resource, NY