NIKUPA 1

Ovinyerya va Mapacuxeryo Ophiyerya va Orwa wa Maahi

Mano erimu ni elapo yavathi saapacerenrye woowi? Mano nsuwa, mweeri ni itheneeri saakhanlevo mwawiihai, vamoha ni ichu sincipale siri veelaponi? Piipiliya onnaakhula mwawaakhwanela ariki wii sipachuxiwe ti Muluku. Mwawihiihaa liivuru ahu onapacerya ni myaha sa Piipiliya vooloca sa mapacuxeryo.

Nnahaala ohuserya wii soopacuxiwa soopacerya sa Muluku saari achu oomunepani, achu oophwanaphwana ni yoowo mwaneene. Yaari angelo. Nyenya elapo yaapacuxeriwe achu ntoko hiyo. Mwawihiihaa Muluku aahaapaka mulopwana ni muthiyana awiichaniwa Aatamu ni Haava, aakuha mu emaca yooreera. Nyenya, awo hiyaamwiiwelenle Muluku nave yaahoocela ophwanelela wa okhala ni okumi.

Ovinyerya opacuxiwa wa Aatamu ophiyerya va Maahi mancipale, waavinrevo iyaakha 1,656. Mu elukulukweene yeeyo, waahikhalavo achu ancipale oonanara. Wirimu, waahikhalawo achu oomunepani oohooneya, Satana ni angelo awe oonanara. Veelaponi yavathi, waarivo Kayine ni achu akina ancipale oonanara, wachereryavo achu akina akuruxa vancipale. Nyenya, waahikhalavotho achu aphaama veelaponi—Haavele, Henoke ni Noowa. Nikupa OOPACERYA, nnahaala waalakhanya sa achu oothene yaawo ni saweereya sene.