MAKOHO A PIIPILIYA AAKHULIWE

Tiheeni enaweeriha achu ancipale weemererya okhalavo Mpatuxa?

Iyaakha 3.000 ivirale, mulipa macipo mmoha aarepa: “Opachushiwa waka ti wawopiha ni wotikiniha.” (Salmo 139:14) Vaavaa munathokororyaanyu wunnuwa wa mwaana orweela murolo mukhaani, eyo henootikinihaani? Achu ancipale anneemererya wi ookhalavo Mpatuxa orweela wa mapakeliwo wa ichu irino okumi.​—Mwaalakhanye Salmo 139:13-17; Ahepri 3:4.

Yoowo opatunxe erimu ni elapo yavathi topatunxe tho okumi. (Salmo 36:9) Owo onnaloca ni achu nave onleela ichu vooloca sa yene mukhateiye.​—Mwaalakhanye Yesaya 45:18.

Apwanne nrwenle wa axinama?

Mu sawooniherya sincipale, mwiili ahu onalikana ni wa axinama. Nthowa nawi achu ni axinama apakiwe ni Mpatuxa wi ekhaleke veelaponi yavathi. Owo aampaka muchu oopacerya, ohiya orweela wa mwaaxinama, nyenya orweela ma echaya.​—Mwaalakhanye Mapacereryo 1:24; 2:7.

Achu anahiyana ni axinama mmikhalelo miili soochuneya. Woopacerya, achu aapakiwa ni owerya osuwela, osivela, ni omucicimiha Mpatuxa. Wanaawiili, Axinama hiyaapakiwe wi ekhaleke okhala wookhala, nyenya achu yaapakiwa. Olelo, achu oothene annarava okhwa nthowa nawi mulopwana oopacerya aakhooca ohoolela wa Mpatuxa.​—Mwaalakhanye Mapacereryo 1:27; 2:15-17.

Wi muhuserye sincipale, moone ekapitulu 1 ya liivuru Piipiliya Onahusiha Eheeni Chiryene? olaleeryiwe ti Anamoona a Yehova

Onaphwanyeya tho mu www.jw.org/ngl