MAKOHO A PIIPILIYA AAKHULIWE
Okumi ti yoolaru pahi?
Nyuwaano montoko wiikoha okumi waari pahiru othela, ochekula, olapa, oteka emusi ni wuuluvala? (Yupu 14:1, 2) Piipiliya onnooniherya wi achu oosuwela aapaka nikoho nenla.—Mwaalakhanye Eklesiyaste 2:11.
Apwanne okumi wookhalano yootaphulela aya? Voopacerya onachuneya wiikoha, Okumi opacenrye mwawiihai? Achu ancipale aasuwela wi ookhalawo mpatuxa emanle woona olapa wa ocoopare ni mwiili ahu. (Mwaalakhanye Salmo 139:14.) Waari hiiha, owo onipatunxe ni mathowa aphaama! Ohuserya mathowa ene yaawo enamunikhaviherya okhalano yoolakelela ya okumi.
Achu apatuxiwe ntakhara heeni?
Muluku aamureeliha mutheli oopacerya nave aamvaha muteko woochuneya. Yoochuna awe yaari wi, esareye veelaponi nave emwaaceererye parataiso, nave ekhale okhala wookhala.—Mwaalakhanye Mapacereryo 1:28, 31.
Yoochuna ya Muluku yaananara vaavaa achu yaakhoncaaya olamulelo awe. Nyenya Muluku hahiyale yookhwela awe. Piipiliya onnanleela wi Muluku onnalapa wi aavuluxe achu awiiwelela nave wi yookhwela awe ntakhara elapo yavathi yaakhwanele! (Mwaalakhanye Salmo 37:29.) Mwa yeeyo Muluku onachuna wi mukhaleno okumi ntoko onachuneiye. Muhuserye moorweela Mpiipiliya ti mwawiihai nyuwaano munaphwanelaanyu wiivoliiherya.
Wi muhuserye sincipale, moone mwaha 3 wa liivuru Piipiliya Onahusiha Eheeni Chiryene?, olaleeryiwe ti Anamoona a Yehova.
Onnaphwanyeya tho mu www.jw.org/ngl