Mwaahaala Owerya Ovaha Nwopelo?

Mu miloko mincipale aakhalamo alaleeryi yaawo wuuka waya mu orummwa ori wookotakota nthowa na makacamiho a ekumi nari wuuluvala. (2 Akor. 4:16) Mwanwerya onwopa mmoha mmukhalelo yoowo wi ohooleni o yoohuserya ya Piipiliya? Wakhala wi mulaleeryi hanawerya okhumela vaate, akhweya nyuwano mwanwerya weeciha yoohuserya eyo vaate vawe. Mwanwerya ikwaha ikina orehererya wi mmukuxe mulaleeryi owo ooceecheya mu orummwa wa empa ni empa nari opaka erevisita emoha nari piili? Alaleeryi ancipale awuuluvala aakhalano osuwela wincipale mu orummwa. Mwawiihiiha, wiilipixerya wanyu tahi wi onahaala waalipiha yaawo pahiru. Nyuwo tho munahaala ophura. (Arom. 1:12) Mu waaceererya, wiilipixerya wanyu wooniherya osivela mmukhalelo yoola onahaala oreelihiwa ni Yehova.​—Masi. 19:17; 1 Yoh. 3:17, 18.