BIBLIOTECA IPAN INTERNET Watchtower
Watchtower
BIBLIOTECA IPAN INTERNET
náhuatl de guerrero
  • BIBLIA
  • AMATLAJKUILOLTIN
  • TLANECHIKOLTIN
  • wp19 Núm. 3 págs. 14-15
  • Ipan yejuin tonaltin uelis tiyolpakis

Xonka video tlen otiktlapejpeni.

Xtechtlapopolui, xueli tlapoui video.

  • Ipan yejuin tonaltin uelis tiyolpakis
  • Amatl Tekakistilijketl kiueyichiua toTajtsin Jehová (tlen tiktemakaj) 2019
  • Subtítulos
  • Okseki ken yejuin
  • MATIPAKIKAN SAN IKA TLEN TIKPIYAJ
  • MATITLAXIKOKAN IJKUAK TIKUALOJ
  • XCHIKAUAKAN NEMONAMIKTILIS
  • ¿Kenon uelis kuajli tonkisas ipan monamiktilis?
    Amatl Tekakistilijketl kiteijlitika iTekiuajyo Jehová 2016
  • ¿Xkuajli on tomin?
    Tlen ika timomachtis Biblia
  • Tlen techpaleuis matipakikan san ika tlen tikpiyaj
    ¡Xtlachiakan! 2021
  • Tlen uelis mitspaleuis xyolpaki iuan mofamilia (parte 1)
    ¡Nochipa uelis tiyolpakis! Xkita tlen Biblia temachtia
Amatl Tekakistilijketl kiueyichiua toTajtsin Jehová (tlen tiktemakaj) 2019
wp19 Núm. 3 págs. 14-15
Se científico akin kachtopa otikteneujkej kichijchiua tlakuajli iuan isiuauj

Ipan yejuin tonaltin uelis tiyolpakis

SAN xkonnemili kenon yes ijkuak xok onias kokolistli, xok yakaj ueuentsintias nion mikis. Nochi yejon tejua uelis tikpiyas. San ika, teyolkoko ika ipan yejuin tonaltin ok onka miyek tlaueltin. ¿Kenon uelis tiyolpakis ipan yejuin tonaltin? Biblia kijtoua kenon uelis tiyolpakis niman techijlia tleka tinemij. Matikitakan seki tlen xkuajli panotika niman kenon tlen kijtoua Biblia techpaleuiya.

MATIPAKIKAN SAN IKA TLEN TIKPIYAJ

Tlen techijlia Biblia: “Maka sanoyej xnekikan nenkipiyaskej tomin. Yej xpakikan san  ika on tlen nenkipiyaj” (Hebreos 13:5).

Ipan yejuin tonaltin miyekej kinekij matikpiyakan miyek tlen nion xtechpoloua ipan tonemilis. San ika, Biblia kijtoua ika uelis tiyolpakiskej san ika tlen tikpiyaj. ¿Kenon?

Maka matiktlasojtlakan tomin. Sekimej akin sajnoye kinekij kipiyaskej tomin hasta yokinmasik kokolistli, kinkauaj inchanejkauan, inamigos niman xok kuajli nemij (1 Timoteo 6:10). ¡Melak ueyi tlen kipolouaj akin notomintisnekij! Noijki akin kitlasojtlaj tomin “xkaman yolpachiui” (Eclesiastés 5:10).

Se más tlasojti xijkon ken tlen kipiya. Melauak ika onka miyek tlemach tlen melak tepaleuiyaj, san ika, tlen tikpiyas xuelis mitstlasojtlas. Yejon san tlaltikpakchanejkej uelis kichiuaskej. Ijkuak tikpiyas se kuajli moamigo kichiuas xyolpaki (Proverbios 17:17).

TLA TIKCHIUAJ TLEN KIJTOUA BIBLIA, MELAK TIYOLPAKISKEJ

MATITLAXIKOKAN IJKUAK TIKUALOJ

Tlen techijlia Biblia: “On pakilistli [...] nochiua ken sen kuajli pajtli yejuan tepajtia” (Proverbios 17:22).

Ijkuak se ueli paki maski kualo, kipaleuiya ijkon ken se pajtli. San ika ¿kenon uelis tipaktoskej ijkuak tikualoj?

Matitetlasojkamachilikan. Ijkuak san tiknemilijtokej tlen techajmana, kichiua ika maka matikpiyakan se “tonajli yejuan kuajli” (Proverbios 15:15). Biblia kuajli techijlia tlenon noneki tikchiuaskej: “Xpiyakan tetlajsojkamachilistli” (Colosenses 3:15). Matiktlasojkamatikan nochi tlen kuajli tikpiyaj maski tla tikitaj ika melak pitentsin. Ijkon ken ijkuak kalaki tonaltsintli, ijkuak kualtsin ajakatika noso ijkuak yakaj touan uetska. Pampa yejuin uelis kichiuas ika kuajli matomachilikan.

Matikinpaleuikan oksekimej. Biblia kijtoua ika “más paki yejuan kitemaka xken on yejuan kiselia”, tejua uelis ijkon timomachilis maski tikualo (Hechos 20:35). Ijkuak oksekimej techtlasojkamachiliaj ijkuak itlaj tikchiuaj inpampa, melak tiyolpakij niman tikilkauaj tlen techajmana. Tla tikchiuaj itlaj tlen kinyolseuiya oksekimej, tejuamej noijki kuajli tomachiliskej.

XCHIKAUAKAN NEMONAMIKTILIS

Tlen techijlia Biblia: Nochipa xkitakan kenijki “nenkitlapejpeniskej on tlen más kuajli” (Filipenses 1:10).

Tla akin yononamiktijkej, xuejkaui san sekan nemij, uelis noxeloskej. Ika yejon, melak kuajli tla se teueuentsin niman se tesiuauj kachtopa kitlajpiyaj innamiktilis, niman kitaj ken itlaj tlen melak ueyi kijtosneki ipan innemilis.

San sekan itlaj xchiuakan. Maka san xchiua tlen tejua tikuelita, noneki xnemili tlenon san sekan uelis nenkichiuaskej. Biblia kijtoua ika “más kuajli omemej xken se san iselti” (Eclesiastés 4:9). Uelis nentlakualchiuaskej, nenpaxaloskej, nenkoniskej se café noso itlaj okse ika nemoyolpaktiskej.

Xmoititikan ika nemotlasojtlaj. Biblia kijtoua ika teueuentsin niman tesiuauj noneki notlasojtlaskej niman notlakaitaskej (Efesios 5:28, 33). Uelis nenkichikauaskej nemonamiktilis tla nemixuetskiliaj, nemonapalouaj ika tlasojtlalistli noso nenkimotlayokoliaj itlaj maski xpatioj. Niman se akin yononamikti noneki san notekas iuan ixnamik (Hebreos 13:4).

“AMAN YONIKNEXTI TLEN KICHIUA MANIYOLPAKI”

Okijto Ryoko Miyamoto (Japón)

Nikpiaya miyek tlauejli. Noueuentsin nochipa tlauaniya niman xkeman kipiaya tekitl. Yejua nion xnajmanaya ipampa naui tokoneuan. Maski chikauak nitekitiya, nesiya ika xueliya nikinyektlaliaya notlaueluan. Miyekpa ninotlajtoltiaya: “¿Yejuin tlen toTajtsin kinekiya nopan manochiua noso kanaj niktlaxtlaujtika itlaj tlen xkuajli onikchiuj ipan okse nonemilis?”.

Ijkuakon, se iteixpantijkauj Jehová oajsik nochan. Nikilnamiki ika hasta uajpaktiaya niman melak kuajli onechnojnots itech itekiuajyo toTajtsin niman itech se nemilistli tlen xkeman tlamis. Onechtlajtolti tla niknekiya ninomachtis Biblia, nejua onikijli ika kema. San nimantsin oniuel ika toTajtsin kema nemi, ika yejua melak tlamachilise, yolmelajki niman tetlasojtlani. Noijki oniuel tlenon topan nochiua ijkuak timikij niman ika tlen xkuajli nopan nochiua xpampa ijkon iijkuiliujtok.

Melak onikuelitak niuelis ika tla tiknekij tinemiskej ika pakilistli noneki touikaskej iuan toTajtsin. Pampa onikixmat tlen melauak itech Biblia miyek yonikasikamat, yonechyolchikauj niman yokichiuj maniyolpaki. Aman yoniknexti tlen kichiua maniyolpaki.

    Amatlajkuiloltin ika Náhuatl de Guerrero (2006-2025)
    Nikisas
    Nikalakis ika nocuenta
    • náhuatl de guerrero
    • Xtetitlanili
    • Ken tikneki manesi
    • Copyright © 2025 Watch Tower Bible and Tract Society of Pennsylvania
    • Ken noneki notekitiltis
    • Ken notlajpiyaj modatos
    • Xpatla ken notekitiltiaj modatos
    • JW.ORG
    • Nikalakis ika nocuenta
    Xtetitlanili