Puha Huhu
◼ Amaamanaki nakai a koe ma e ha mena fakalutukia?
Ko e vaha fou, ha “ko e vaha mo e tau mena ke tutupu ai” fa lafilafi ke taute e tau mena fakalutukia fakaekekafo, pihia foki mo e totoko ke taute e fagaiaga he toto. (Fakama. 9:11) Ke lagomatai aki a tautolu ke mautauteute ma e tau mena pihia, kua foaki mai e Iehova e tau puhala loga he hana a fakatokatokaaga, ka e talitali e ia a tautolu ke taute e vala ha tautolu. Ha na i lalo e fakatokaaga ke lagomatai aki a koe.
• Uta fano e lau fou he lau Advance Medical Directive/Release ke he tau magaaho tumau.
• Leveki kua uta fano he tau fanau hau e Identity Card fou.
• Liu totou e uho he Oketopa 1992 Our Kingdom Ministry, ti fakataitai e puhala ke vagavagahau mo e tau ekekafo mo e tau iki fakafili hagaao ke he levekiaga he hau a tama.
• Liu totou e tau tohi he tau vala toto mo e tau fifiliaga nakai ke he toto. (Fakaaoga: The Watchtower, Oketopa 1, 1994, lau 31; Iuni 1, 1990, lau 30-1; Mati 1, 1989, lau 30-1; Awake!, Tesemo 8, 1994, lau 23-7; Aokuso 8, 1993, lau 22-5; Novema 22, 1991, lau 10; mo e tau uho he Our Kingdom Ministry, Oketopa 1992 mo Mati 1991. Tuku ke he mena kua maeke ke mukamuka ke moua ka manako.)
• Fifili mo e loto manamanatu to fakata nakai e koe e fakaaogaaga he tau masini ne fakaholo hala fafo he tino e toto po ke talia nakai e koe ha mena ne ha i ai e tau vala toto.
• Ka maeke, fakamua to fano ke he falegagao, fakailoa e tau motua ke maeke ia lautolu ke lagomatai a koe mo e fakailoa ke he Levekiaga Komiti he Fale Gagao (HLC) ka lata. Kaeke ko e tama tote ne lauia, hea ke he tau motua ke fakailoa tuai e HLC.
Fakamahino Fakamitaki kua Nakai Talia e Koe e Toto: Kikite mai he tau fakailoaaga he falu matakainaga tane mo e fifine ne fa talahau fakahiku ke he tau ekekafo ne tului a lautolu kua nakai talia ke he toto. Nakai tonu e mena nei ke he tau faoa fakaekekafo ti fakahagahaga kelea lahi he mena nei a koe ke fakafagai aki e toto. Ka fakailoa ke he tau ekekafo e tuaga hau ti talitua e tau manako hau mo e tau tohi ne mailoga aki e tau fifiliaga tonu hau, to lagomatai ai a lautolu ke tului fakamafiti ti fakata foki a lautolu ke kumikumi falu a puhala ne nakai fakaaoga e toto.
He tupu fakalutukia e tau mena fakaekekafo, he tau magaaho ne nakai amanaki, kia tauteute e tau mena he magaaho nei ke leveki aki a koe mo e hau a fanau mai he fagaiaga toto.—Fakatai 16:20; 22:3.