Fakalataha Tumau ke he Feleveiaaga—Ko e Mena Mua
1 Kua tuku mua he tau magafaoa Kerisiano e o tumau ke he tau feleveiaaga he fakapotopotoaga. Ka ko e tau peehiaga he moui he vaha nei kua maeke ke paleko mai. Kua eke kia e tau matagahua he kaina, gahua tupe, po ke tau gahua aoga ke kamata ke fofo e magaaho ne kua fakatoka ma e tapuakiaga ha Iehova? He onoono ke he tau mena mai he kitiaaga ha Iehova ka lagomatai a tautolu ke fakatumau e tau mena mua ha tautolu.—1 Samu. 24:6; 26:11.
2 He oko gaafi he Sapati, taha e tagata tane Isaraela ne kaumahala pauaki ke kitia e manatu ha Iehova. Ne liga fakakakano ai ko e leveki a ia he magafaoa hana po ke ko e mena tote a ia. He puhala he fakafiliaga, mogoia, ne fakakite e Iehova ko e tutuli ke he tau matagahua he tau aho takitaha he magaaho ne fakatoka pauaki ma e tapuakiaga ko e mena hagahagakelea lahi.—Nume. 15:32-36.
3 Fahia ke he Paleko: Ma e tokologa ko e taufetului ke nakai fakatauhele he gahua tupe e o ke he feleveiaaga. Ne felauaki e falu mo e paleko nei he tutala ke he takitaki gahua ha lautolu, tautui magaaho mo e tau kapitiga gahua, tutuli e gahua kua latatonu lahi, po ke fakamukamuka e tau puhala momoui ha lautolu. Moli ai, ko e tau foakiaga pihia ke lata mo e tapuakiaga moli kua fakafiafia lahi ke he Atua.—Hepe. 13:16.
4 Kua maeke foki he tau gahua aoga ke fakatupu e paleko. “Ne taute e au falu gahua aoga haku ato fano au he tau feleveiaaga mo e taute e au e kau ne toe ka liu mai ki kaina,” he talahau he taha fuata. Ka nakai oti e tau gahua aoga he taute he tau po feleveiaaga, ne fakamaama he falu matua ke he tau faiaoga ko e o he tau feleveiaaga Kerisiano ko e mena mua ma e magafaoa ha lautolu.
5 Ko e kau fakalataha mo e pulega mitaki e kei ke he fakakatoatoa e tau gahua kaina he mautauteute ke hohoko tuai atu ke he tau feleveiaaga fakamagafaoa. (Fakatai 20:18) Kua maeke foki e tau fanau ikiiki lalahi ke fakaako ke tauteute mo e mautali ke o he feleveiaaga he magaaho fafati. Mai he tau fakafifitakiaga ha lautolu, kua maeke he tau mamatua ke peehi ke he tau fanau ha lautolu e aoga he tau feleveiaaga.—Fakatai 20:7.
6 He malikiti e tau pehiaaga he fakatokaaga nei, kua aoga ke o tumau a tautolu ke he tau feleveiaaga. Kia fakatumau a tautolu ke onoono ke he tau mena he manatu ha Iehova mo e tuku mua e o tumau he feleveiaaga.—Hepe. 10:24, 25.