Kamata ia Mati 22 e Matagahua ke Tufa e tau Uiina he Fakamanatuaga

Ko e tau nei ko e ha tautolu a matagahua ke uiina e falu ke fakalataha ke he Fakamanatuaga to kamata he Aho Faiumu, Mati 22. Kua fakamafana a tautolu oti ke fakalataha katoa ki ai. He tau matahiku vahā tapu to foaki foki e tautolu e tau mekasini foou kaeke kua latatonu. He Aho Faiumu fakamua ia Aperila, to hagaaki ke tufatufa a tautolu he tau uiina ka e nakai ke kamata fakaako Tohi Tapu. Pete ia, ka feleveia a tautolu mo e taha ne fakakite e fiafia pauaki, to liga lali a tautolu ke kamata e fakaako Tohi Tapu. Ko e leveki fekafekauaga ka fifili ko e tufatufa he tau uiina ke he toloaga tagata ka lagomatai e fakapotopotoaga ke hokotia ke moua e tau tagata he fonua. Tohi hifo e tau magafaoa, tau kapitiga gahua, tau kapitiga aoga, tau liu aahi atu, mo e falu ne manako a koe ke uiina ti foaki ki a lautolu e uiina he mogo ka kamata e matagahua. Amanaki a tautolu to tokologa ka fakalataha mo tautolu ke fakamanatu ua e mena fakaalofa mua ue atu ne fakakite.​—Ioane 3:16; 15:13.