Tau Fonoaga Fahimotu mo e Lalolagi Katoa he “Moui he Puhala he Atua” he 1998

¹ He taha tau ke he taha tau kua fakamakai lahi e tau tagata tapuaki a Iehova he vaha nei he lalolagi katoa ke fakapotopoto tokologa ke he tau fonoaga fahimotu. Ha ko e mena nei, kua fakaata e lautolu e aga he tau fekafekau fakamoli a Iehova i Isaraela i tuai ne olioli he lologo e tau kupu he Salamo 122 he fenoga atu ke tapuaki ki a Iehova i Ierusalema. Totou pehe e kupu 1 he salamo ia: “Ne fiafia au he pehe mai a lautolu kia au, Kia o a tautolu ke he fale a Iehova.” He tau magaaho pihia kua kitia foki e tautolu e fakamoliaga lahi ne kua fakamoli he tau kupu omoomoi he agaga he Isaia 2:2, 3.

² He tau nei kua ha ha ia tautolu e kakano pauaki ke fiafia he kitia atu e kehekehe he fulufuluola ka lafi he tau matakainaga totou afe mai he tau motu oti he lalolagi katoa ka fakalataha ke he falu fonoaga lalahi. To fakalataha atu e tau misionare kua liliu ke feleveia mo e tau magafaoa mo e tau kapitiga ke he loga he tau fonoaga. Ko e mena ia, ko e fakaholoaga he fonoaga ke he tau matakavi takitaha ka fakakite e tau iloaaga mo e tau hokotakiaga he tupu he gahua fakamatala he Kautu ke he falu motu.

³ Moli, ko e tau fakapotopotoaga ni kua kotofa he matakavi katoa he tau fonoaga he lalolagi ka maeke ke hohoko atu ke he tau fakalatahaaga ia. Kua lata ma e tau tagata oti ke fakalilifu e tau fakakaupaaga nei ke maeke ke fakahoko e tau fonoaga oti ke he puhala fakatokatoka mitaki. Ko e fakafulufuluola kehekehe ka fakamoli ke he tau fonoaga fahimotu oti he falu a vala he fakaholoaga mo e tau hokotaki, ti pihia mo e ha ha i ai he tau misionare ka liga fakalataha ai.

⁴ Tau Manako Pauaki: Ko e tau fuakau, lautolu ne matematekelea, ko lautolu kua leva ke he fekafekauaga, po ke falu kua lata ke fai lagomatai ke hohoko atu ke he fonoaga. Ko e tau magafaoa, tau motua, mo e falu he fakapotopotoaga kua mailoga e tau tutuaga kehe ue atu ha lautolu mo e tau manako pauaki ke taute fakamitaki e tau fakatokatokaaga kua lata, he nakai toka e matagahua he magafaoa mo e fakapotopotoaga ke he fakatokatokaaga he fonoaga.​—Fakatatai 1 Timoteo 5:4.

⁵ Ko lautolu kua nakai maeke ke leveki ke he puhala nei, ha ha i ai e laupepa Special Needs Room Request he Sosaiete kua fakatoka e tau mena kua lata ke tohi he laupepa Special Needs. Ko e foakiaga nei kua fakaata ni ma e tau tagata fakailoa kua mitaki e tuaga, lauia foki a lautolu kua mahani mitaki e tau fanau, ne kua talia he Komiti Fekafekau he Fakapotopotoaga. Ato fakapuke e laupepa Special Needs Room Request, totou fakamitaki e vala tala i kelekele he laupepa. Kua lata e tau ole nei ke fakafano fakamafiti atu ke he Rooming De­part­ment. Fakamolemole fakaaoga e kaina he fonoaga kua fakakite he taha fahi he laupepa Special Needs.

⁶ Fano ke he Taha Fonoaga: Ko e matakavi kua kotofa ma hau ke fano ki ai ko e matakavi kua tata atu ke he fakapotopotoaga hau. Ko e fakatokatokaaga ke loga e nofoa, tau tohi, poko nonofo, mo e falu foki, kua fakave ke he matakavi ka tokologa e tau tagata fakailoa ka o atu ke he fonoaga kua kotofa ki ai e fakapotopotoaga ha lautolu. Pete ia, ka fai kakano mitaki a koe ke fakalataha atu ke he fonoaga ne nakai ko e fono kua kotofa a koe ki ai mo e kua manako nofoaga, mo e falu mena foki, to atu he tohikupu he fakapotopotoaga ki a koe e matapatu kaina he fonoaga mai he lau tohi i tua he laupepa Special Needs Room Request ka nakai maeke ia koe ke taute e tau fakatokatokaaga hau ni. Ka molea e taha e fonoaga ka fakahoko he taone ia, kia mataala ke fakakite e aho ka fakalataha a koe ke he fonoaga.

⁷ Fakaotiaga: Kua fakakite he matakau motela mo e hotela e tau talahauaga kua nava ki a mutolu e tau matakainaga oti ha ko e fakatata e tau fua he mahani Atua. Ne talahau he tau takitaki he taha hotela ko e Tau Fakamoli a Iehova kua “lahi e mitaki mo e ko e matakau mua atu e mahani mitaki ne leveki e mautolu.” Ko e taha ne talahau: “Kua logona e au ne lata ia au ke fakaaue atu ki a mutolu mai he tau tagata gahua. Kua nava lahi ke he tau tagata ha mutolu ha ko e taha he tau matakau mua atu e totonu, fefakamafanaaki, mo e lilifu ne ha ha ia mautolu e fiafia ke leveki. Ko e fakaata moli he tau aga mo e fakalilifu moli he fakapotopotoaga ha mutolu ma e tau tagata. Kua amaamanaki lahi a mautolu ke liu leveki a mutolu.” He fakamau hifo e poko ma e taha matakainaga fifine he fonoaga he tau kua mole, kua talahau he matakainaga fifine e talahauaga he tagata gahua: “Mailoga mafiti e au kaeke ko e Tau Fakamoli a Iehova he telefoni. Kua totonu tumau, mafana, mo e tututala a mutolu. Kua nava tumau e tagata lotu Papatiso nei, mo e kua fakamanava atu ki a mutolu oti.” Kua mitaki ha ke logona e tau talahauaga pehenei, pihia nakai? Ko e mahani he tau matakainaga oti kua omoi ke taute e tau talahauaga nei kua fakafiafia moli e loto a Iehova.

⁸ Kua moua he Sosaiete e tau tohi loga mai he tau matakainaga kua fakakite ha lautolu a fakaaue ma e tau fakatokatokaaga ne taute ma lautolu. Ne talahau he magafaoa: “Kua manako a mautolu ke iloa e mutolu nakai uta fakateaga e mautolu e fonoaga fahimotu. Mailoga e mautolu nakai hoko noa ai ka ko e fua he tau gahua malolo he fahi he tau matakainaga tokologa. Ne tohi a mautolu ke fakaaue atu.” Ne tohi he matakainaga: “Manako au ke fakakite e tau fakaaue hofihofi ke he tau matakainaga oti haku ne putoia ke he tau fakatokatokaaga he tau poko. Ko e tau fakatokatokaaga nei kua lagomatai a mautolu ke aoga lahi mai he fonoaga.”

⁹ Kua mailoga ai ki a tautolu oti kua lagomatai e Iehova e fakatokatokaaga he tau fonoaga he tau tau takitaha. Ha kua tokologa e tau matakainaga ka fenoga ke he tau fonoaga fahimotu kua lata ma e tau nonofoaga, kua iloa e mautolu to foaki fakalahi e Iehova ma e tau manako nei foki. He fakamoli ko tautolu kua “fakamoli ke he mena tote” kua maeke ia tautolu ke moua e tau monuina mua ue atu kua fakatali ma lautolu kua ofania e Iehova.​—Luka 16:10.

[Puha he lau 4]

Tau Magaaho he Fakaholoaga

Aho Faraile mo e Aho Faiumu

9:30 a.m. – 5:00 p.m.

Aho Tapu

9:30 a.m. – 4:00 p.m.

[Fakafonua he lau 4]

MATAKAVI AHO TAKAIAGA

Mystery Creek Road

Hamilton

Mystery Creek Road

Hamilton

(Vagahau matalima foki)

Rarotonga, Tau Aelani Kuki

160

Pascal Street, Palmerston North

(Vagahau matalima foki)

Pascal Street, Palmerston North

Lyttelton Street, Christchurch

(Vagahau matalima foki)

Dunedin