Puha Huhu

◼ Ko e heigoa e tau tohi ha tautolu kua lata ke fakaako mo lautolu ne fou ato papatiso a lautolu?

Fakamua to tukulele he tagata hana a moui ki a Iehova mo e papatiso, kua lata ia ia ke moua e iloaaga tonu. (Ioane 17:3) To moua mai e ia e fakailoaaga ne lata mo ia he fakaako he porosua Ko e Heigoa e Manako he Atua ma Tautolu? mo e tohi Iloilo ne Takitaki Atu ke he Moui Tukulagi. Ne fa mahani ke fakaako fakamua e porosua Manako. Kaeke kua kamata mua e fakaakoaga ke he tohi Iloilo, ti lata e porosua Manako ke fakaako ka oti e tohi. Kua ha ne aoga lahi e mena nei?

Kua fofola he porosua Manako e fakakatoatoaaga he tau fakaakoaga ke he Tohi Tapu. Kaeke kua fakaako mua, to foaki ke he tagata fakaako e maamaaga ne fakave ke he tau poakiaga ne fiafia ai a Iehova. Kaeke kua fakaako fakahiku, to aoga lahi ha kua matutaki ke he tohi Iloilo. Ka pihia, fakamafana e tagata fakaako ke kumi e tau kupu Tohi ne lago aki mo e manamanatu ki ai. Kia fakakite e tau fakatino, ha kua lau mitaki e lagomatai ia mo e fakaakoaga.​—Kikite e Ianuari 15, 1997, Watchtower, lau 16-17.

He katoatoa e fakaakoaga he tagata fakaako Tohi Tapu ke he tau tohi ua ia, ti maeke ia ia ke tali oti e tau huhu ka fakatutala mo e tau motua he tauteute a ia ke papatiso. Ka pihia, liga nakai aoga ke taute e fakaakoaga mo ia he taha tohi foki, ka e lata agaia ni e faiaoga he makau ke lagomatai a ia ke holo ki mua.​—Kikite e Fepuari 1, 1996, Kolo Toko, lau 11, 13, 14.