Fakaaoga e Tohi Worship God ke Taute e Tau Fakaakoaga Tohi Tapu
Ko e tohi Worship the Only True God ne talaga ai ke lagomatai aki a lautolu kua fou ke fakatupu ki mua ke he kupu moli mo e fakahokulo ha lautolu a fakaaueaga ki a Iehova mo e hana fakatokaaga. To maeke ke fakaaoga ko e tohi ke ua aki mo e tau tagata fakaako Tohi Tapu. Ko e Ha Tautolu a Fekafekauaga he Kautu ia Iuni 2000, lau 4, ne fakamaama: “Ka kitia moli e tolomaki he tagata, pete kua nakai mafiti, ka e tupu fakahaga hana fakaaue ma e tau mena ne fakaako e ia, ati tutaki a e fakaakoaga Tohi Tapu ke he tohi ke ua aki he oti e porosua Manako mo e tohi Iloilo. . . . Pete ia, ko e porosua Manako mo e tohi Iloilo ka fakaaoga fakamua tumau ke kamata e fakaakoaga. Ko e fakaakoaga Tohi Tapu, tau liu ahi atu, mo e magaaho ka fakaaoga he matutaki e fakaakoaga kua lata ke totou mo e hokotaki, pete ni kua fita e papatiso e tagata fakaako ato oti e tohi ke ua aki.”
Ko hai foki ka moua e aoga mai he fakaakoaga Tohi Tapu ka fakaaoga e tohi Worship God? Ne matutaki he vala tala taha ia: “Kaeke foki kua iloa e koe e falu ne fakaako ke he [porosua Manako mo e] tohi Iloilo he magaaho fakamua ka e nakai fakaholo atu ke tukulele mo e papatiso, liga lata ia koe ke finatu ki a lautolu ke kitia kua manako nakai ke liu matutaki e fakaakoaga Tohi Tapu ha lautolu.” Kia taute e tautolu e laliaga pauaki ke kamata e tau fakaakoaga ke he tohi Worship God mo lautolu ia ke he mahina ha Mati mo Aperila.