Fakaholoaga Fou he Toloaga he Takaiaga

Heigoa e gahua aoga ne moua e koe he magaaho nai he fakatauo mo Iehova? Maeke fefe ia koe ke kalo kehe he tau kamatamata nakai fakateokarasi ne fakalavelave aki e tau gahua he Kautu ne fakamua ke he moui hau? (Mata. 6:33) Uka nakai kia koe ke kikite e hako mai he hepe he lalolagi ne taute e tau mena hepe ke tuga kua hako? (Hepe. 5:14) Ko e tau mena anei ka fakahokohoko ke he toloaga he takaiaga “Aoga Anei Ha Kua O he tau Puhala he Atua,” ka kamata ia Sepetema 1999.​—Sala. 128:1.

Taha vala fou he Aho Faiumu he toloaga he takaiaga nei ko e fakatata he fakataiaga ke he Feleveiaaga Fekafekau. Ko e leveki he takaiaga ka fakailoa ke he tau fakapotopotoaga e tau mena ka fakatokatoka ke maeke oti ke fakalataha mo e amaamanaki e loto olioli katoatoa ke he fakaholoaga.

Ko e vala ne fakahigoa “Tau Paionia​—Kia O Fakalaulau a Mutolu” ka fakakite mai e puhala ke fakagahuahua e iloilo mo e lotomatala ke maeke ke fakaaoga fakamitaki e magaaho ke he fekafekauaga paionia. (Efeso 5:15-17) Ko e matakupu “Kia Fakaeneene e Tau Puhala ne Tuga kua Hako” ka fakaako ki a tautolu e puhala moli kua talia he Atua he tau tuaga oti he moui. Ko e lauga “Maeke Fefe e Tau Perofetaaga ke Lauia a Tautolu” ka lagomatai ke fakapuke e tau manamanatuaga mo e tau loto ha tautolu aki e fakaalofa ke he Kupu he Atua. Ko e lauga ko e “Tau Puhala he Atua​—Aoga Lahi Ai!” ka fakatoka e tau puhala aoga ne moua anei ha kua laka tumau ke he tau poakiaga tututonu a Iehova.

Ko e manako kia hau ke fakapuloa he papatisoaga ke he vai kua manako a koe ke fakatauo he tau puhala he Atua ha ko e taha he tau fekafekau tukulele hana? Ati tutala ke he leveki he fakapotopotoaga ke taute e tau fakatokaaga ne kua lata.

Lali fakalahi ke aua toe e toloaga he takaiaga ne lata lahi mo e magaaho nai. Fakalataha mai ke he tau aho ua katoa he fakaholoaga, ha kua “uhoaki a lautolu oti kua matakutaku kia Iehova, ko lautolu ne o ke he hana tau puhala.”​—Sala. 128:1.