Fakaholoaga Fou he Aho Toloaga Uho

Ko e mataulu he fakaholoaga fou he aho toloaga uho ke kamata ia Sepetema 1999 ko e: “Kumikumi ke he Tau Mena Hokulo he Atua.” (1 Kori. 2:10) Kia ako a tautolu e tau mena uho fe?

He ha lautolu a kumikumiaga he maama, tokologa ne nakai makona he tau mena ne moua e lautolu. Ne fakalagalaga he Tohi Tapu a tautolu, tuga ka fakakite mai he leveki takaiaga he hana a lauga “Kumikumi e Kupu he Atua ke Moua e Mafola.” Ko e matakainaga uiina ka lauga ke he matutakiaga he kumikumi he tau mena hokulo he Atua mo e he fakamatala he tala mitaki he fakahoko e ia e huhu “Fefe e Kikiteaga Hau ke he Fakamatalaaga he Kautu?”

Maeke fefe he tau mamatua ke lagomatai e tau fanau ha lautolu ke kumi fakahokulo ke he Kupu he Atua? Ko e tau puhala lauia mitaki to foaki atu he vala “Fakaako e Tau Fanau ke he Kupu he Atua.” Fa fakaohooho e tau fuata Kerisiano he puhala lago mitaki ka fakalataha ai mo lautolu he fakapotopotoaga ne motua fakaagaga. Tau fakatai ne lauia mitaki aki a lautolu ka fakakite mai he vala “Tau Fuata kua Fifitaki kia Lautolu ne Motua.”

Ko e ha kua lata a tautolu ke kumi fakamakutu e tau mena galo uho fakaagaga he magaaho nei? Ko Iehova ko e Fakakite he tau mena galo. To fakamaama he matakainaga uiina he lauga e tau mena he vaha i tuai mo e he magaaho fou ne fakakite e Iehova he tutalaaga “Fakakite Fakahaga e Iehova e Tau Mena Hokulo.” Kia fakamalolo he mena nei a tautolu ke tumau he “kumikumi ke he tau mena hokulo he Atua.”

Tauteute he magaaho nei ke fakalataha atu. Ko lautolu ne manako ke fakakite e tukuleleaga ha lautolu ki a Iehova he papatisoaga kua lata ke fakailoa fakamafiti ke he leveki he fakapotopotoaga. He fakamakutukutu a tautolu ke kumi matafeiga e Kupu he Atua to fakamalolo aki a tautolu ke he tau mena ne logona mai. Ti aua fakamole e aho uho nei he fakaakoaga fakaagaga!