Heigoa ke Lagomatai a Tautolu ke Fakatumau ke he Tua?
1 Tali mai he magaaho ne fakalataha a tautolu mo e fakatokatokaaga a Iehova, ko e punaaga he olioli ha tautolu kua fakamoli he ha tautolu a tolomaki fakaagaga! Pete ia, ke tumau ke ‘fai vaka, ati hake, ti fakatumau ke he tua,’ kua lata lahi ke matutaki e tolomaki fakaagaga. (Kolo. 2:6, 7) Ha he tokologa ne kautu fakaagaga, ha i ai e falu ne kua tafia kehe he nakai ‘tumau ke he tua.’ (1 Kori. 16:13) Maeke ia tautolu ke lavetiia mai neke tupu e tau mena nei kia tautolu. Fefe?
2 Gahua Fakaagaga Tumau: Fakatu e fakaholoaga fakaagaga mitaki i loto he fakatokatokaaga a Iehova. Hinei ne tokaga fakalahi ke he tau manako fakaagaga ha tautolu. Ko e tau fakapotopotoaga, tau toloaga, mo e tau fonoaga ne omoomoi ai a tautolu ke holo atu ki mua ke ati hake mo e tumau fakaagaga, kaeke kua fakalataha tumau a tautolu ke moua mai e aoga. (Hepe. 10:24, 25) Ke fakahoko tumau e totouaga he Tohi Tapu, he tau mekasini Kolo Toko mo e Awake!, mo e tau tohi ne fakatutala ke he kakano he Kupu he Atua ka omoi e tau vakavaka fakaagaga ha tautolu ke tutupu hokulo hifo ti malolo lahi. (Hepe. 5:14) He fakatoka e tau foliaga fakaagaga he tagata ti makutu ke gahua ki ai to moua mai ni e tau mena aoga tukulagi.—Filipi 3:16.
3 Lagomatai he Tau Matua Lilifu: Fakakakapa atu ke fakalataha mo lautolu ko e tau matua lilifu he fakapotopotoaga. Fakatata atu ke he tau motua, ha ko lautolu mua ne maeke ke fakamalolo a tautolu. (1 Tesa. 2:11, 12) Talia mo e fakaaue e tau fakatonuaga mo e tau puhala ne foaki e lautolu. (Efeso 4:11-16) Na fiafia foki e tau fekafekau lagomatai ke lago e falu ke tu mau ke he tua, ti hagaaki ke he tau matakainaga nei ke fakamalolo atu.
4 Manako lagomatai nakai a koe he fekafekauaga? Vagahau ke he tau motua, ti ole e lagomatai. Liga maeke ia koe ke fakalataha ke he fakaholoaga Lagomatai Atu he Tau Paionia. Kua papatiso fou kia a koe? He fakaako e tohi Our Ministry mo e fakaaoga e tau mena i ai to fakaholo ki mua e motua fakaagaga. Ko e taha matua kia a koe? Kia leveki ke fakamalolo tumau e aga fakaagaga he hau a fanau.—Efeso 6:4.
5 Ha kua vakavaka mo e fakatumau ke he tua, to logona e tautolu e fakafetuiaga mataniu mo Iehova mo e fakalataha mafanatia mo e tau matakainaga ha tautolu. To lagomatai he mena nei a tautolu ke totoko e tau lagatau a Satani, ti fakamalolo aki e amaamanaki ha tautolu ke he vaha tukulagi anoiha.—1 Pete. 5:9, 10.