Puha Huhu

◼ Lata kia he fakapotopotoaga ke fakatata e mepe katoatoa mo e tau matakavi he fonua ke he Fale he Kautu?

E, kua lata ke tuku e mepe ki loto he puha fakatata ti pili hake he kaupa i loto he Fale he Kautu. Nakai lata ke pili hake he lapa fakailoaaga. Lata ke fakakite i ai e tau katofia oti he fonua ne kotofa ma e fakapotopotoaga mo e tau katofia he tau matakavi takitaha mo e hana numera. Kua lata ke fakakite oti e tau katofia he tau fakapotopotoaga ne fakaaoga auloa e Fale he Kautu. To lagomatai he mena nei e tau tagata fakamatala katoa mo lautolu ne talia fou ke fifili ko e katofia fe he fakapotopotoaga ne nonofo ai a lautolu. Mo e fakakite he mepe e tau fale he Fakaakoaga Tohi he Fakapotopotoaga ke lagomatai atu oti ke kumi fakamitaki e Fakaakoaga Tohi ne kua kotofa a lautolu ki ai. Lata ke fakafou tumau e mepe.

Ko e kakano he mepe fakatata ke fakamanatu foki e tau tagata fakamatala oti, kaeke kua lata, ke moua mai e taha kotofaaga fakatagata he fonua. Kua aoga lahi e mepe ma lautolu ne manako ke fifili e kavi ne tata ke he kaina ha lautolu. Mo e falu magaaho, to nakai fakamole e magaaho he tau potopotoaga ma e gahua he fonua, ti maeke ia ia ne takitaki ke fakafano fakamafiti atu e tau tagata fakamatala ke he tau matakavi ne kua kotofa ki a lautolu ke gahua.

Kua fakamoli foki he mepe kua mautali e fakapotopotoaga ke fakamatala katoatoa e fekau he Kautu ke he tau matakavi hana ne kotofa.​—Luka 9:6.