Puha Huhu
◼ Maeke fefe ke lagomatai e tagata kua leva e lolelole ke liu foki eke mo taha tagata fakamatala he tala mitaki?
He magaaho ne fakakite he tagata kua lolelole e loto makai ke fekafekau ki a Iehova, ko e mena fakafiafia moli anei. (Luka 15:4-6) Liga kua fakata he tagata e tau totokoaga po ke tau fakalavelave he moui ke fakaapitia hana tau aoga fakatagata, fanoaga he feleveiaaga, mo e gahua he fekafekauaga he fonua. Ti ha e fe e puhala ne mitaki ke lagomatai a ia ke tolomaki atu e holoaga fakaagaga hana?
Lata ia tautolu oti ke fakafeleveia mo e fakamafana e tagata nei ha ko e ha tautolu a fakaalofa Kerisiano ki a ia. Kia ui atu ke he tau motua ke kikite mo e mafiti hana tau manako fakaagaga nukua lata. (Iako. 5:14, 15) Kaeke ku e magaaho ne fakalolelole ai a ia, kia lata e taha tagata fakamatala loto motua ke lagomatai a ia ke liu gahuahua ke he fekafekauaga. Ka e, kaeke kua leva e magaaho ne nakai fakalataha e tagata kua lolelole ke he fakapotopotoaga, liga lahi e lagomatai ne lata ke foaki. Ke ati hake e tua mo e loto fakaaue, kia tomatoma ke taute e fakaakoaga Tohi Tapu he taha tohi ne fa mahani ke fakaaoga. Kaeke kua pihia, to poaki e leveki fekafekau ke he taha tagata fakamatala loto motua ke taute e fakaakoaga. (Hepe. 5:12-14; kikite Novema 1998 Ha Tautolu a Fekafekauaga he Kautu Puha Huhu.) Ka iloa e koe taha ne lata mo e lagomataiaga pihia, ti tutala ke he leveki fekafekau he fakapotopotoaga hau.)
Ka e, fakamua to uiina a ia kua levaleva e lolelole ke liu fakalataha he fekafekauaga, kua aoga lahi ia ia ke fakatutala ke he ua e motua ke kitia ko e maeke nakai a ia ke eke mo taha tagata fakamatala he Kautu. To fakaaoga e laua e fakatokaaga fa mahani ke taute ne fakatutala mo e tau tagata fou ne foli ke eke mo tau tagata fakamatala he tala mitaki. (Kikite e Novema 15, 1988, Watchtower, lau 17.) Kua lata e tagata kua lolelole ke makai e loto ke fakamatala e tala mitaki mo e falu. Lata foki ia ia ke talia e tau poakiaga ne fakatoka he lau 98-9 he tohi Our Ministry mo e finatu tumau ke he tau feleveiaaga.
He fakatoka fakamitaki e fakaholoaga fakaagaga kua lagomatai fakalahi a ia ne liu mai ke fakamalolo mo e fakatumau hana fakafetuiaga uhoaki mo Iehova mo e fakatumau ke feoaki he puhala ke he moui tukulagi. (Mata. 7:14; Hepe. 10:23-25) He kaki fakalahi a ia he “mahani mitaki” mo e feaki e tau mahani Kerisiano ne makamakafua to fakamamao a ia he “nakai teva po ke teao” he eke mo taha tutaki Kerisiano.—2 Pete. 1:5-8.