Fakamatala Nakai a Koe mo e Malolo?
1 Pete ni he tapaki mo e fakamatakutaku he tau tagata totoko, ne fakatumau ni a Peteru mo Ioane ke fakapuloa e fekau he Kautu mo e malolo. (Gahua 4:17, 21, 31) Ko e heigoa e kakano ma tautolu he vaha nei ke fakamatala mo e malolo?
2 Fakamalolo he Fakamatala: Ko e falu kupu ma e “malolo” ko e “nakai matakutaku,” kua kakano ko e “toa, malolo, mo e fakauka.” Ma e tau Kerisiano moli, ko e fakamatala mo e malolo, kua kakano ke nakai matakutaku ke vagahau kaeke kua latatonu ke folafola e tala mitaki ke he falu. (Gahua 4:20; 1 Pete. 3:15) Ko e kakano kua nakai ma a tautolu he tala mitaki. (Sala. 119:46; Roma 1:16; 2 Timo. 1:8) Ti, ko e fakamalolo ko e mahani kua lata ke fakakatoatoa e poakiaga ha tautolu ke fakamatala e tala mitaki he Kautu he vaha nei he fakahikuaga. Kua omoi a tautolu ke folafola e tala mitaki ke he tau tagata he mena fe ni kua ha ha i ai a lautolu.—Gahua 4:29; 1 Kori. 9:23.
3 Fakamalolo he Aoga: Ko e hagahaga kia ke matakutaku po ke ma nukua uka ke fakamatala ke he tau kapitiga aoga hau? He falu magaaho nakai mukamuka; ko e paleko moli. Pete ia, to fakamalolo e Iehova a koe kaeke ke liogi a koe ma e malolo ke fakamatala ke he falu. (Sala. 138:3) To lagomatai he malolo a koe ke fakakite ko e taha he Tau Fakamoli a Iehova a koe mo e fakamalolo a koe mai he fa va. Ti ko e fua, maeke he fakamatala hau he aoga ke fakahao a lautolu ne fanogonogo ki a koe.—1 Timo. 4:16.
4 Fakamalolo he Gahuaaga: Talahaua nakai a koe ko e taha he Tau Fakamoli a Iehova he gahuaaga? Ko e puhala ni ke hokotia e tala mitaki ke he tau kapitiga gahua hau liga he fakamatala a koe ki a lautolu. To lagomatai foki e fakamalolo hau a koe ka fakaaoga taha magaaho ma e tau feleveiaaga mo e tau fonoaga faka-Kerisiano hau.
5 Fakamalolo i Lalo he Kamatamata: Kua aoga lahi ke fakamalolo ka feleveia a tautolu mo e totokoaga. (1 Tesa. 2:1, 2) Kua lagomatai a tautolu ke tapiki mau ke he tua ha tautolu kaeke ke fehagai a tautolu mo e tau fakamatakutaku, va, po ke favale fakatonu mai ki a tautolu. (Filipi 1:27, 28) Kua fakamalolo a tautolu ke tutu mau ka moua he tau pehiaaga ke fakahui e taofiaga ha tautolu ke he tau poakiaga he ha tautolu a Atua, ko Iehova. Kua fakamalolo a tautolu ke fakatumau e mafola ha tautolu ka totoko fakakelea mai he falu.—Roma 12:18.
6 Ko e ha mena uka ni ne fehagai mo tautolu, kia fakauka a tautolu ke fakamatala e tala mitaki mo e fakamalolo.—Efeso 6:18-20.