Puha Huhu

◼ He magaaho fe kua lata ke kamata fou taha Fakaakoaga Tohi he Fakapotopotoaga?

Kua lata ke kamata e matakau fou kaeke kua toko 15 po kua tote hifo he tau matakavi fakaakoaga tohi takitaha, mo e kaeke taute he Fale he Kautu. Kua ha ne lata lahi e mena nei?

Kaeke kua tote e tau Fakaakoaga Tohi he Fakapotopotoaga, kua kitia mitaki he takitaki ko hai ia lautolu ne o mai kua lata ke lagomatai. Lafi atu, kua maeke ia lautolu oti ke talahau e amaamanakiaga ha lautolu he fakatokaaga taute pauaki ma e tau gahua nei. (Hepe. 10:23; 13:15) He fakalatalata e tau matakau he tau kavi kehekehe ne leveki he fakapotopotoaga, kua fakamukamuka ai ke o mai ke he tau Fakaakoaga Tohi he Fakapotopotoaga mo e ka o atu he fonua. Tau fakapotopotoaga kua fakalahi e tau matakavi he fakaakoaga tohi ne kitia kua tolomaki atu e tau tagata ne lafi ke he tau fakaakoaga tohi.

Po ke fai kakano pauaki nukua lata ke kamata fou taha matakau, pete ni kua tote. Fa tupu e mena nei ha ha i ai he tau kavi ne tu mamao po kua tokologa ne fa fakalataha i ai po ke pukilu e fale ne tolo ai. Kaeke manako, kia kamata e taha matakau he aho mo e fakapotopoto ki ai e tau momotua, tau faoa gahua he po, po ke tau matakainaga fifine mo e tau tane nakai-Fakamoli.

Kia igatia mo e tau matakau fakaakoaga tohi ke fifili ki ai e tau tagata fakamatala ne malolo fakaagaga mo e hakahakau ti tatai mo e takitaki ne kotofa pihia mo ia ka totou. Kia fakaolo atu e tau matakainaga tane ke he tau feua nei ne lata lahi mo e fakapotopotoaga.

Maeke he tau motua ke omoomoi ki mua e fakapotopotoaga ka kikite moli kua latalata mitaki e tau matakau fakaakoaga mo e leveki fakamitaki fakaagaga ti maeke mo e feleveia ke he tau matakavi ne taute pauaki. He tau magaaho kua aoga lahi, lata ke kamata taha matakau fou ke aoga auloa oti mai he fakatokaaga fakaagaga mitaki nei. Maeke nakai ia koe ke fakata e kaina hau ke taute i ai e fakaakoaga tohi? Tokologa ne fakamakai pihia ne moua e tau fakamonuinaaga fakaagaga.