Matagahua Pauaki ia Oketopa 16 ki a Novema 12!
1 “Kua Tata e Fakaotiaga he Lotu Fakavai!” Ko e mataulu a ia he Tau Tala he Kautu Nu. 37, ka tufatufa ke he lalolagi katoa kamata he mahina ka hau. He hafa fakamua ha Oketopa, to foaki e tautolu e tau mekasini Kolo Toko mo e Awake! He kamata he Aho Gofua ia Oketopa 16 ke he Aho Tapu ia Novema 12, to taute e tautolu e tufatufaaga fakalaulahi he Tau Tala he Kautu Nu. 37. He tau matahiku vahā tapu he matagahua ia, to foaki fakalataha e tautolu mo e tau mekasini foou.
2 Tau Tagata ka Taute: Ko lautolu oti ne fakailoa hakahakau e tala mitaki ka manako ke fakalataha katoatoa ki ai. To maeke e falu ke paionia fakakū. Fai tama po ke tau tagata fakaako Tohi Tapu nakai a koe hane holo ki mua fakaagaaga? Lagomatai a lautolu ke o atu ke he tau motua ke kitia kaeke kua lata a lautolu mo tau tagata fakailoa. Lata e tau motua ke fakailoilo ke tutala mo e tau tagata fakailoa ne lolelole ke fakamalolō a lautolu ke taute e matagahua nei, liga he gahua fakalataha mo e tau tagata fakailoa ne iloilo.
3 Ko e fufuta he Tau Tala he Kautu Nu. 37 ne kua fakafano ke he tau fakapotopotoaga oti ke maeke he tau tagata fakailoa mo e tau paionia ke moua 50 e lagaki. Ko lautolu ne fiafia kua nakaila ko e tau tagata fakailoa ka maeke ke moua takilima e lagaki ke tufa ke he tau tagata he magafaoa mo e tau kapitiga. Lata a lautolu oti ke fakamau e numera ne tufa e lautolu i tua he tau hokotaki he gahua ke he fonua he matahiku ia Oketopa mo Novema. To lafilafi he tohikupu e katoatoa ma e fakapotopotoaga ti uta ke he la ofisa he matahiku he tau mahina takitaha. Ko e ha lagaki ne toe he Tau Tala he Kautu ka fakaoti e matagahua kua liga fakaaoga ke he ha puhala fakamatala.
4 Mena ka Talahau: Kia fakakū e fakataitaiaga haau, ke maeke ai ke tufatufa fakalahi e fekau. Maeke a koe ke talahau: “Ha ko e tagata gahua, kua fakalataha au ke he fekau aoga nei ke he lalolagi katoa. Ko e lagaki haau a ē nakai fai totogi. Fakamolemole totou.” Liga mitaki ke nakai uta e kato ke he gutuhala. Kia manatu ke fakamau hifo a lautolu ne fiafia.
5 Puhala ke Taute Oti Aki e Fonua ha Mutolu: He nakai tufa e Tau Tala he Kautu he gahua ke he puhala tu, hagaaki ke taute fakalahi e gahua ke he taha fale ke he taha fale mo e tau matakavi pisinisi. Tohi hifo e tau kaina ne nakai moua e tau tagata, ti lali ke liu he taha magaaho po ke aho kehe he faahi tapu. Kamata he Aho Gofua ia Novema 6, liga maeke mogoia ke toka e lagaki he tau kaina ne nakai moua e tau tagata. Pete ia, ka lahi e fonua ke taute he magaaho fafati, maeke he tau motua ke fifili ke toka e Tau Tala he Kautu he tau kaina ne nakai moua e tau tagata he magaaho ka taute e matagahua nei.
6 Kua tata lahi e moumouaga ha ‘Papelonia Lahi.’ Kua lata e tau tagata ke o kehe i ai ato moumou katoatoa ai. (Fakakite. 14:8; 18:8) Taute e tau fakatokaaga mogonei ke fakalataha katoatoa he matagahua he lalolagi katoa ke fakailoa ke he tau tagata oti kua tata e moumouaga he lotu fakavai!