Maeke Nakai ia Koe ke Uiina e Falu?

Loga e fakapotopotoaga ne ha ha ai e tau tagata fakailoa ne fakakaupā e fekafekauaga ha lautolu ha ko e gagao hololoa po ke momotua. (2 Kori. 4:16) Maeke nakai ia koe ke uiina a lautolu ne pihia ke fakatauō mo koe he fakaako Tohi Tapu? Kaeke kua nofo fale e tagata fakailoa, liga maeke foki ia koe ke fakatokatoka e fakaako Tohi Tapu ke taute he kaina he matakainaga ia. Maeke nakai ia koe he falu mogo ke fakatokatoka ke uta e tagata fakailoa ne nakai tino malolō ke taute ni falu fale he gahua he fonua po ke taute taha po ke ua e liu aahi atu? Tokologa e tau tagata fakailoa momotua ne lotomatala lahi ke he gahua he fonua. Ko e mena ia, to aoga e tau laliaga haau ha kua atihake a lautolu. To aoga foki ki a koe. (Roma 1:12) Lafi ki ai, ko e tau laliaga haau ke fakakite e fakaalofa he puhala nei to taui mitaki e Iehova.​—Fakatai 19:17; 1 Ioa. 3:17, 18.