“To Moumou Kia he Tau Tagata e Lalolagi Nei?”

● Mai he pulagi likoliko, ko e Lalolagi palaneta kua tuga e makauho fulufuluola ne lanu moana mo e tea. Ka e kumikumi fakatata lahi kua kitia ai e fai lekua he kaina ha tautolu. Ko e ha? Mukamuka e tali: Kua nakai leveki he tau tagata ne nonofo ai. Mua atu ai, kua moumou mooli e lautolu e lalolagi he tākiva, moumou e vaouhi, mo e ekefakakelea ti pihia foki mo e mahani kelea mo e fakaagaaga he puhala favale, fakamaligi toto, mo e feuaki.

Ko e tau tuaga momoko nei nukua talahau tuai kavi ke he ua e afe tau kua mole he tau perofetaaga ofoofogia ne fakamau he Tohi Tapu. (2 Timoteo 3:1-5; Fakakiteaga 11:18) Kua talahau foki he Tohi Tapu ko e Atua—nakai ko e tau tagata—ka fakahako katoatoa e tau lekua. Ko e tau matakupu aoga nei to fakalaulahi ai he lauga ke he toloaga “To Moumou Kia he Tau Tagata e Lalolagi Nei?” To taute e lauga ke he tau Fonoaga he Faahimotu he Tau Fakamoli a Iehova “Kia Hoko Mai e Kautu he Atua!” kamata ia Me he Tau Faahi Kaufakalataha ti matutaki ke he lalolagi katoa.

Kua uiina fiafia ki a koe ke fina atu ke he fonoaga kua tata lahi atu ki a koe. Ma e tau vala pauaki, fakamolemole matutaki atu ke he Tau Fakamoli a Iehova he matakavi haau po ke tohi ke he tau tagata fakailoa he mekasini nei. Kua tū he faahi Web www.pr418.com e tau matakavi fonoaga he Pasifika.