Mukamaona Kuti Simungathenso Kupirira

Mwachitsanzo, ku United States kutawomba mphepo yamkuntho, katundu wambiri wa Sallya anawonongeka. Iye anati: “Ndinasowa mtengo wogwira, moti ndinkaona kuti sindingathenso kupirira.”

Vuto lina lingakhale imfa ya munthu amene timam’konda. Janice yemwe amakhala ku Australia anati: “Ana anga aamuna awiri atamwalira, ndinamva ululu woopsa mumtima mwanga. Ndinapemphera kwa Mulungu kuti: ‘Chonde, sindithanso kupirira. Ndiloleni ndingofa chifukwa sindikufunanso kukhala ndi moyo.’”

Nayenso Daniel anasokonezeka maganizo atazindikira kuti mkazi wake wachita chigololo. Iye anati: “Mkazi wanga atavomera kuti anachitadi zimenezi, zinangokhala ngati ndabayidwa ndi mpeni mumtimamu. Kwa miyezi ingapo ndinkamvabe ululu umenewu.”

Nsanja ya Olonda ino ifotokoza zimene zingatithandize kupirira

• Pakachitika ngozi zadzidzidzi

• Munthu amene timamukonda akamwalira

• Mwamuna kapena mkazi wathu akakhala wosakhulupirika

• Ngati tikudwala kapena kudwazika matenda aakulu

• Ngati tikuona kuti bola kungofa

Choyamba, tiyeni tione zimene zingatithandize pakachitika ngozi zadzidzidzi.