Zimene Mungachite Kuti Muzikhulupirira Kwambiri Kuti Yehova Ali Ndi Mphamvu Zotha Kupulumutsa

Werengani Numeri 13:25–14:4 kuti muone mmene Aisiraeli anasonyezera kuti sankakhulupirira Yehova.

Onani nkhani yonse. N’chifukwa chiyani Aisiraeli ankayenera kukhulupirira kuti Yehova akhoza kuwapulumutsa pamene ankachoka ku Iguputo? (Sal. 78:​12-16, 43-53) Kodi n’chiyani chimene chinachititsa kuti asiye kudalira Yehova? (Deut. 1:​26-28) Kodi Yoswa ndi Kalebe anasonyeza bwanji kuti ankakhulupirira Yehova?—Num. 14:​6-9.

Fufuzani Mozama. Kodi Aisiraeli akanatani kuti azikhulupirira kwambiri Yehova? (Sal. 9:10; 22:4; 78:11) Kodi pali kugwirizana kotani pakati pa kukhulupirira Yehova ndi kumulemekeza?—Num. 14:11.

Onani zimene mukuphunzirapo. Muzidzifunsa kuti:

• ‘Kodi ndi pa zochitika ziti pamene zingakhale zovuta kwambiri kuti ndikhulupirire Yehova?’

• ‘Kodi ndingatani kuti ndizikhulupirira kwambiri Yehova panopa komanso m’tsogolo?’

• ‘Kodi sindikufunika kukayikira chiyani pamene chisautso chachikulu chikuyandikira?’—Luka 21:​25-28.