“Muzipereka Mphatso kwa Yehova”

Kodi tingasonyeze bwanji kuti ndife ‘okonzeka kupereka mphatso kwa Yehova’? (1 Mbiri 29:5, 9, 14) M’munsimu muli njira zimene tingasankhe kuti tipereke ndalama zathu pothandiza ntchito ya Mboni za Yehova ya padziko lonse.

NDALAMA ZIMENE TIMAPEREKA PA INTANETI KAPENA M’MABOKOSI A ZOPEREKA ZIMATHANDIZA:

• 

  NTCHITO YA PADZIKO LONSE

  kumanga komanso kuyendetsa ntchito za m’maofesi a nthambi ndi maofesi omasulira mabuku

  sukulu zophunzitsa atumiki a Mulungu

  atumiki apadera a nthawi zonse

  kuthandiza anthu m’nthawi ya mavuto

  kusindikiza mabuku, kukonza mavidiyo komanso za pa intaneti

• 

  KULIPILIRA ZINTHU ZOFUNIKA PAMPINGO

  ndalama zolipirira madzi, magetsi komanso kukonza zimene zaonongeka pa Nyumba ya Ufumu

  ndalama zimene mpingo wavomereza kupereka ku ofesi ya nthambi kuti zikathandize:

  • kumangira Nyumba za Ufumu ndi Malo a Misonkhano padziko lonse

  • zopereka za padziko lonse zothandiza pakachitika tsoka

  • ntchito zina za padziko lonse

MISONKHANO YACHIGAWO KOMANSO YADERA

Zopereka za pa misonkhano yachigawo zimaperekedwa ku ntchito ya padziko lonse. Ndalama zimene zagwiritsidwa pa misonkhano yachigawo, yapadera komanso ya mayiko zimachokera ku thumba la ntchito ya padziko lonse.

Zopereka zothandiza misonkhano yadera zimagwiritsidwa ntchito polipirira lendi, kugula zinthu zofunika komanso kukonza zowonongeka kapenanso kulipirira zinthu zina zofunika m’dera. Dera lingathenso kusankha kuti ndalama zina ziperekedwe ku thumba la ntchito ya padziko lonse ya Mboni za Yehova.