CHUMA CHOPEZEKA M’MAWU A MULUNGU | EKISODO 10-11

Mose ndi Aroni Anasonyeza Kulimba Mtima Kwambiri

10:3-6, 24-26, 28; 11:4-8

Mose ndi Aroni anasonyeza kulimba mtima kwambiri pamene ankayankhula ndi Farao, yemwe pa nthawiyo anali mfumu yamphamvu kwambiri padziko lonse lapansi. Kodi n’chiyani chinawathandiza? Ponena za Mose, Baibulo limati: “Mwa chikhulupiriro anachoka mu Iguputo, koma osati chifukwa choopa mfumu ayi, pakuti anapitiriza kupirira moleza mtima ngati kuti akuona Wosaonekayo.” (Ahe 11:27) Mose ndi Aroni ankakhulupirira kwambiri Yehova ndipo ankamudalira.

Kodi ndi zochitika ziti zomwe zingafune kuti mulimbe mtima kuti mufotokoze zimene mumakhulupirira kwa munthu waudindo?

Zithunzi zosonyeza zochitika zomwe zingafune kulimba mtima: 1. Mnyamata kusukulu wangoima pamene anzake akuchitira sailuti mbendera. 2. M’bale ali m’khoti pamaso pa oweruza. 3. M’bale wachinyamata akupereka kapepala kwa mwininyumba ndipo wapolisi yemwe ali chapafupi akumuyang’anitsitsa.