Utumiki Wothandiza Anthu pa Nthawi ya Mavuto

8:1-4; 9:7

Akhristufe tili ndi utumiki wa mbali ziwiri. Tili ndi “utumiki wokhazikitsanso mtendere” womwe timauchita tikamalalikira komanso kuphunzitsa anthu. Komanso tili ndi ‘utumiki wothandiza anthu’ womwe timachitira Akhristu anzathu. (2 Akor. 5:18-20; 8:4) Choncho tikamathandiza Akhristu anzathu omwe ali pamavuto, timakhala tikuchita utumiki wopatulika. Tikamagwira nawo ntchitoyi:

• timathandiza abale ndi alongo athu kupeza zinthu zomwe akusowa.​—2 Akor. 9:12a

• timathandiza anzathu omwe apanikizika ndi mavuto kuti ayambirenso kuchita zinthu zofunika potumikira Mulungu ndipo amayamba kulalikira mwakhama posonyeza kuyamikira kwawo Yehova.​—2 Akor. 9:12b

• timathandiza kuti anthu alemekeze Yehova. (2 Akor. 9:13) Ntchito yothandiza anthu pa nthawi yangozi imakhala ngati njira yolalikirira anthu onse, ngakhalenso omwe amadana ndi Mboni za Yehova