Thandizani Ana Anu Kukhala na Cikhulupililo Colimba mwa Mlengi Wawo

Cilengedwe cimalengeza ulemelelo wa Yehova. (Sal. 19:1-4; 139:14) Koma dziko la Mdyelekezi limalimbikitsa ziphunzitso zotsutsa mfundo yakuti Mulungu ndiye anapanga moyo. (Aroma 1:18-25) Kodi mungateteze bwanji ana anu ku ziphunzitso zimenezo kuti zisazike mizu m’maganizo na m’mitima yawo? Ayambilileni ali aang’ono. Athandizeni kukhulupilila kuti Yehova aliko, ndipo amasamala za iwo aliyense payekha-payekha. (2 Akor. 10:4, 5; Aef. 6:16) Yesani kudziŵa zimene iwo amaganiza pa zinthu zimene amaphunzila ku Sukulu. Ndiyeno seŵenzetsani zida zambili zimene tili nazo kuti muwafike pamtima.—Miy. 20:5; Yak. 1:19.

TAMBANI VIDIYO YAKUTI ZIMENE ACICEPELE ANZANU AMAKAMBA—KUKHULUPILILA MWA MULUNGU, NDIYENO KAMBILANANI MAFUNSO AYA:

• Kodi ambili amati ciani pa nkhani yokhulupilila Mulungu?

• Nanga kusukulu kwanu amaphunzitsa ciani pa nkhani imeneyi?

• N’ciani cimakukhutilitsani kuti Yehova aliko?

• Mungam’thandize bwanji munthu wina kukhulupilila kuti Mulungu ndiye analenga zinthu zonse?