“Okonzeka Kupeleka Mphatso kwa Yehova”

Kodi ise lelo tingakhale bwanji “okonzeka kupeleka mphatso kwa Yehova?” (1 Mbiri 29:5, 9, 14) Pansipa pali njila zingapo zimene tingasankhepo popanga zopeleka zaufulu zothandizila nchito yathu, m’dziko lathu na padziko lonse.

ZOPELEKA ZOTUMIZA PA INTANETI KAPENA ZOPONYA M’TUMABOKOSI ZIMATHANDIZILA PA:

• 

  NCHITO YA PADZIKO LONSE

  kumanga na kuyendetsa zinthu m’maofesi a nthambi na m’maofesi omasulila mabuku

  masukulu a maphunzilo aumulungu

  atumiki anthawi zonse apadela

  kupulinta mabuku, kupanga mavidiyo, na kuika zinthu pa webusaiti yathu

• 

  MPINGO

  ndalama zoseŵenzetsa pa mpingo na kukonzako zinthu pa Nyumba ya Ufumu

  ndalama zimene mpingo wagamula kuti zitumiziwe ku ofesi ya nthambi kuti:

  • zikathandizile kumanga Nyumba za Ufumu na Mabwalo a Misonkhano padziko lonse

  • makonzedwe a Kupeleka Cithandizo Padziko Lonse

  • nchito zina padziko lonse

MISONKHANO YACIGAWO KOMANSO YADELA

Zopeleka zanu pa msonkhano wacigawo zimatumizidwa kuti zithandizile nchito ya padziko lonse. Ndipo, ndalama zimene zimafunikila pa misonkhano yacigawo, yapadela, ndiponso ya maiko zimacokela pa ndalama zimenezo.

Zopekela zanu pa msonkhano wadela zimathandiza pa kulipilla malowo, kuyendetsela na kukonzela zinthu pa malo ocitilapo misonkhano yadela, komanso pa zinthu zina zimene zimafuna ndalama. Abale a m’dela angasankhe kupeleka ndalama zotsala kuti zikathandizile nchito ya padziko lonse.