Lekani Kuwayebwa

M’magwere mazinji, muna wapalizi womwe wambandocita utumiki pang’ono thangwe ra mabvuto makulu ya matenda ayai ukalamba. (2 Wakolinto 4:16) Kodi mungakumbire wapalizi womwe wali mu mkhalidwe umweyo kuti wambakuperekezeni ku mapfunziro yanu ya Bibliya? Penu mpaliziyo an’kwanisa lini kucoka pa mui, pinango mungacitise pfunziro lanulo pa mui pacepo. Kodi mungacite makonzedwe nthawe zinango kuti mumbamutenge mpalizi wakusaya thanzi, mucipalizira naye nyumba na nyumba mu nthawe yakucepa, ayai kucita ulendo bubodzi ayai maulendo mawiri yakubwereza? Wapalizi wazinji wakukalamba wana cidziwiso cikulu ca utumiki. Tenepo, nyongo yanu, sikuti in’dzandolimbisa iwo wokha. Imwepo mun’dzagumanambo phindu. (Waroma 1:12) Kuthumizira bzimwebzi, nyongo yanu yakulatiza lufoyi m’njira imweyo, in’dzabairidwa na Yahova.—Mimwani 19:17; 1 Juwau 3:17, 18.