Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Junho

“Tinkuzungira wanthu mu nthawe yakucepa kuti tifokotozerane bza mbvunzo womwe unkunesa wazinji.” [Mulatizeni mbvunzo womwe uli pa tsamba lakumalizira la Nsanja ya Olonda ya 1 Junho.] Njiponi nzeru yanu? Dikhirani atawire. Fokotozeranani mbali ya mbvunzo wakuyamba na kuwerengambo vesi libodzi lakulatizidwa pamwepo. Musiyireni marevistayo, mucipangana kudzamuzungira kuti mudzacezerane mbvunzo munangoyo.

Nsanja ya Olonda 1 Junho

“Gole liri-lense wanthu pafupi-fupi 6.000.000 wambafa thangwe ra kufumali. Kodi munkumbuka kuti pana cinthu cinango comwe cingacitidwe kuti bvutoli licepesedwe? [Dikhirani atawire.] Wanthu wazinjisa wasiya kufumali ayai wankutcenkha thangwe ra kupfunza momwe Mulungu ambaiwonera nkhaniyi. Mwa ciratizo, vesi libodzi la m’Bibliya lacitisa wanthu kukumbuka momwe kufumali kumbatokonyera winango. [Werengani 1 Wakolinto 10:24.] Revistayi inkufokotoza momwe kawonedwe ka Mulungu kangacitise munthu kusiya kufumali.”

Galamukani! Junho

“Mbuto yakucezera ya pa interneti yacitisa wanthu kukhala na axamwali azinji kuposa kale. Kodi mungalewe kuti ndiponi khalidwe lomwe xamwali wacadidi an’funika kukhala nalo? [Dikhirani atawire.] Pana ciratizo cibodzi ca malango yakuphata basa yakugumanika m’Bibliya. [Werengani Tiyago 1:19.] Revistayi inkulatiza mitemo minai yomwe ingatithandize kukhala munthu womwe winango wambafuna kukhala xamwali wawo.”