• Faarfannaa 14:1-7
    Kitaaba Qulqulluu Hiika Addunyaa Haaraa

    • 14 Namni gowwaan* garaa isaatti,

      “Yihowaan hin jiru”+ jedha.

      Namoonni akkanaa gochi isaanii mancaʼaa dha, wanti isaan hojjetanis jibbisiisaa dha;

      Wanta gaarii kan hojjetu tokko illee hin jiru.+

       2 Yihowaan garuu namni hubannaa qabuu fi namni Yihowaa barbaaddatu jiraachuu fi dhiisuu isaa ilaaluuf,

      Samii irraa gara ilmaan namootaa gad ni ilaala.+

       3 Hundi isaanii karaa irraa goraniiru;+

      Hundi isaanii mancaʼaniiru.

      Wanta gaarii kan hojjetu hin jiru,

      Tokko illee hin jiru.

       4 Warra balleessaa raawwatan keessaa tokko illee hin hubatuu?

      Isaan akkuma nyaata nyaatanitti saba koo ni nyaatu.

      Yihowaas hin waammatan.

       5 Haa taʼu malee, Yihowaan dhaloota qajeelaa wajjin waan jiruuf,

      Isaan naasuu guddaadhaan ni liqimfamu.+

       6 Isin warri balleessaa raawwattan karoora nama rakkataa taʼee fashaleessuuf yaalii gootu;

      Yihowaan garuu bakka inni kooluu itti galu isaaf ni taʼa.+

       7 Fayyinni Israaʼel Xiyoon irraa haa dhufu!+

      Yeroo Yihowaan saba isaa isa boojiʼame deebisee walitti qabutti,

      Yaaqoob haa gammadu, Israaʼel haa ililchu.