49 “Yihowaan andaara lafaa irraa saba biyya fagoodhaa dhufe tokko si irratti ni kaasa;+ inni akkuma risaan wanta adamsu irra buʼutti tasa si irra buʼa;+ sabni sunis saba ati afaan isaa hin dhageenye,+ 50 saba bifti isaa sodaachisaa taʼe, saba maanguddoota hin kabjnee fi daaʼimmaniif hin gaddine dha.+ 51 Isaan hamma ati haxaaʼamtee baddutti ilmoolee horii keetii fi firii lafa keetii ni nyaatu. Isaan hamma si balleessanitti, midhaan, daadhii wayinii yookiin zayitii haaraa, jabbii yookiin ilmoo hoolaa tokko illee siif hin hambisan.+

15 “Yaa mana Israaʼel, kunoo ani fagoo irraa saba tokko gara keessanitti nan fida”+ jedha Yihowaan.

“Innis saba bara dheeraa jiraate dha.

17 Isaan oomisha kee fi nyaata kee ni nyaatu.+

Ijoollee dhiiraa fi ijoollee durbaa kee ni nyaatu.

Bushaayeewwanii fi horiiwwan kee ni nyaatu.

Mukeetii wayinii fi mukeetii harbuu kee ni nyaatu.

Magaalota kee warra dallaa dhagaa qaban warra ati itti amanamtus goraadeedhaan ni balleessu.”

22 Yihowaan akkana jedha:

23 Isaan iddaa fi eeboo ni qabatu.

Isaan gara jabeeyyii dha; gara laafinas hin qaban.

Yaa intala Xiyoon, isaan akkuma loltuutti si waraanuuf tarree galanii dhaabbatu.”

22 “Kanaafuu, yaa Oholibaa, Yihowaan Gooftaa Ol Aanaan akkana jedha: ‘Kunoo, ani warra si jaallatan, warra ati* jibbitee irraa garagalte sana nan kakaasa;+ kallattii hundumaa irraas si irratti isaan nan fida;+ 23 ilmaan Baabilonii+ fi Kaladoota+ hundumaa, namoota Pheeqod,+ namoota Shoʼaa fi namoota Qoʼaa ilmaan Asoor hundumaa wajjin si irratti nan fida. Hundi isaanii dargaggoota mimmiidhagoo, bulchitoota, bulchitoota gad aanoo, loltootaa fi namoota of eeggannoodhaan filataman* yeroo taʼan, hundi isaanii iyyuu farda gulufuu irratti dandeettii kan qabani dha.