Faarfannaa

26 Yaa Yihowaa, ani amanamummaa kootiin waanan deddeebiʼeef murtii naaf kenni;+

Ani utuun asii fi achi hin jedhin Yihowaa amanadheera.+

 2 Yaa Yihowaa, na sakattaʼi, na qoris;

Yaada keessa koo jiruu* fi garaa koo qulqulleessi.+

 3 Jaalalli kee inni amanamaan yeroo hundumaa na dura jira,

Anis dhugaa kee keessa nan deddeebiʼa.+

 4 Namoota gowwoomsaa raawwatanii wajjin michuu hin taʼu,*+

Warra eenyummaa isaanii dhoksan irraas nan fagaadha.*

 5 Namoota hamoo taʼanii wajjin taʼuu nan jibba,+

Namoota jalʼoo taʼanii wajjin michuu taʼuus* hin barbaadu.+

 6 Yaa Yihowaa, qulqulluu taʼuu koo argisiisuuf harka koo nan dhiqadha,

Iddoo aarsaa keettis nan naannaʼa;

 7 Kanas kanan godhu, sagaleen galataa akka dhagaʼamu gochuuf,+

Hojiiwwan kee warra dinqisiisoo taʼan hundumaas labsuufi.

 8 Yaa Yihowaa, mana ati keessa jiraattu,

Bakka ulfinni kee jirus nan jaalladha.+

 9 Cubbamootaa wajjin haxooftee na* hin balleessin,+

Namoota jalʼoota taʼanii* wajjinis lubbuu koo hin fudhatin;

10 Harki isaanii gochawwan qaanessaa taʼan ni raawwata,

Harki mirgaa isaaniis mattaʼaadhaan guutameera.