Faarfannaa
Geggeessaa muuziqaatiif; “Abaaboowwaniin.” Faarfannaa ilmaan Qoraa.+ Maaskiil.* Faarfannaa jaalalaa.
45 Wanti gaariin tokko garaa koo kakaaseera.
“Faarfannaan* koo waaʼee mootii ti”+ nan jedha.
Arrabni koo akka qalama+ garagalchituu* dandeettii qabuu+ haa taʼu.
2 Ilmaan namootaa keessaa ati hunda caalaa bareedaa dha.
Afaan kee keessaa dubbiin gaarummaa ni dhangalaʼa.+
Waaqayyo bara baraaf kan si eebbise kanaafi.+
4 Simboo keetiin injifannoodhaaf* qajeeli;+
Dhugaadhaaf, gad of qabuu fi qajeelummaadhaaf jedhiitii gulufi,+
Harki kee mirgaa wantoota sodaachisoo taʼan ni raawwata.*
5 Xiyyawwan kee qara waan taʼaniif, namoota si duratti ni kukuffisu;+
Onnee diinota mootichaas ni waraanu.+
7 Ati qajeelummaa jaallattee+ jalʼina jibbite.+
Waaqayyo inni Waaqa kee taʼe hiriyoota kee caalchisee zayitii gammachuutiin+ kan si dibe kanaafi.+
8 Uffatawwan kee hundi urgaa qumbii, argisaa* fi qaasiyaa* qabu;
Mana mootummaa guddaa ilka arbaa irraa tolfame keessaa meeshaawwan muuziqaa ribuu qaban si gammachiisu.
9 Ijoolleen durbaa moototaa giiftiiwwan ulfinaa kee keessaa tokko dha.
Mootittiin warqii Ofiiriin+ miidhagfamtee harka mirgaa keetiin dhaabbatteetti.
10 Yaa intala too, dhagaʼi, xiyyeeffannaadhaan dhaggeeffadhu, gurra kees as qabi;
Saba kee fi mana abbaa keetii irraanfadhu.
12 Intalli Xiiros kennaa fiddee dhufti;
Namoonni hunda caalaa sooreyyii taʼanis si biratti fudhatama argachuu barbaadu.
13 Intalli mootichaa baayʼee miidhagdee mana mootummaa keessa teesseetti;*
Uffanni ishiis warqiidhaan* miidhagfameera.
14 Ishiin uffata* xilfiin irratti dhaʼame uffattee gara mootichaatti geeffamti.
Durboonni michoota ishii taʼanii fi ishii duukaa buʼanis si duratti dhiheeffamu.
15 Isaan ililchuudhaan, gammachuudhaanis si duratti dhiheeffamu;
Gara mana mootummaa mootichaattis ni seenu.
16 Ilmaan kee iddoo abbootii keetii ni fudhatu.
Atis guutummaa lafaa irratti bulchitoota gootee isaan muudda.+
17 Ani dhaloota dhufu hundumaa keessatti maqaa kee nan beeksisa.+
Namoonni baraa hamma bara baraatti kan si jajatan kanaafi.