Fakkeenya
7 Yaa ilma koo, dubbii koo eegi,
Ajajawwan kootiifis bakka guddaa kenni.+
3 Quba keetti isaan hidhadhu;
Gabatee garaa keetii irrattis isaan barreeffadhu.+
4 Ogummaadhaan, “Ati obboleettii tiyya” jedhi;
Hubannaadhaanis, “fira koo” jedhii waami.
5 Isaan dubartii addaggee*+ irraa,
Dubartii baalagee* fi dubbii laafaa* ishiin dubbattu irraa si eegu.+
6 Ani foddaa mana kootii irraa,
Foddaa koo keessaa gad nan ilaale,
Dargaggoota gidduudhaa dargaggeessa hubannaa* hin qabne tokko nan arge.+
8 Inni daandii naannoo mana ishiitti argamu tokko bira darbee
Gara kallattii mana ishiitti qajeele,
9 Yeroon isaa dimimmisa, gara galgalaa,+
Yeroo dhihuu fi dukkanaaʼuuf jedhu ture.
10 Achiis dubartiin akka sagaagaltuutti* uffattee+ fi garaa haxxee taʼe qabdu
Yommuu isa simattu nan arge.
11 Ishiin iyyitee kan dubbattuu fi didduu dha.+
Matumaas mana hin teessu.*
12 Takkaa alatti argamti, sana booda immoo addabaabayii keessatti argamti,
Goleewwan hundumaa biratti riphxee eeggatti.+
13 Ishiin qabdee isa dhungatte;
Qaanii tokko malees akkana isaan jette:
14 “Ani aarsaa gamtaa dhiheessuun qaba ture.+
Harʼa wareega koo raawwadheera.
15 Si simachuuf kanan baʼe kanaafi,
Si barbaacha nan baʼe, sin argadhes!
16 Siree koo irra afata baʼeessa,
Quncee talbaa halluu hedduu qabu isa Gibxii irraa dhufe afeera.+
17 Siree koo irratti qumbii, argisaa* fi qarafaa firfirseera.+
18 Kottu, hamma bariʼutti xoofoo jaalalaa irraa dhugnee haa quufnu;
Waliin taanee jaalalaan haa gammadnu,
19 Abbaan manaa koo mana hin jiru;
Karaa fagoo deemeera.
20 Korojoo maallaqaa qabateera,
Hamma guyyaa baatii guutuuttis hin deebiʼu.”
21 Irra deddeebitee isa sossobuudhaan+ isa dogoggorsite.
Dubbii laafaadhaanis isa gowwoomsite.
22 Innis akkuma tasaa akka qotiyyoo qalamuuf oofamuutti,
Akka nama gowwaa miilli isaa jirma* gidduu galee adabamuuf jedhuuttis ishii duukaa buʼa,+
23 Hamma xiyyi tiruu isaa waraanutti ishii duukaa deema;
Akkuma simbira kiyyootti seenuuf ariifattuutti, innis wanti kun lubbuu isaa akka isa dhabsiisu hin beeku.+
24 Ammas yaa ilmaan koo, na dhagaʼaa;
Dubbiin dubbadhus xiyyeeffannaadhaan dhaggeeffadhaa.
25 Garaan kee gara daandiiwwan ishiitti akka goru hin godhin.
Gara karaa ishiittis hin gorin,+
26 Sababiin isaas, ishiin namoonni baayʼeen akka duʼan gooteetti,+
Namoonni ishiin galaafattes hedduu dha.+
27 Manni ishii gara Awwaalaatti* geessa;
Gara gola duʼaattis gad ni buusa.