Saanduqa Gaaffii

◼ Teessoo ‘e-mail’ dhuunfaadhaan itti fayyadamnu barreeffama raabsinutti qabsiisnee ykn barreessinee namootaaf kennuun sirriidhaa?

Babal’istoonni tokko tokko teessoo ‘e-mail’ dhuunfaasaanii barruulee ykn tiraaktota raabsanirratti barreessuudhaan namootaaf kennu. Kanaanis namoonni barruulee fudhatan odeeffannoo dabalataa argachuuf babal’isaa kana qunnamuu danda’u. Carraaqqiin namoota fedhii argisiisan gargaaruuf taasifamu akkasii gaarummaadhaan ta’uu danda’a. Haata’u malee, Weeb saayitiin jaarmiyaa keenyaa beekamaa ta’e barruuleefi tiraaktotarratti maxxanfamaniiru. Kanaafuu, barreeffamoota raabsinurratti teessoo ‘e-mail’ dhuunfaadhaan itti fayyadamnu barreessuu dhiisuun baay’ee gaariidha.

Babal’isaan tokko namoonni inni naannoo tajaajilaatti argatu keessumaammoo namni inni deddeebii gaaffii godhuuf akka isa qunnamu yoo barbaade, waraqaa cittuurratti teessoosaa barreessee kennuun murtoo dhuunfaasaati. Namoonni fedhii argisiisan odeeffannoo isaanii kennineen nu qunnamu jennee dhiisuu mannaa, ofii keenyaan kakaanee isaan gaafachuu qabna. Namaaf yaaduun keenya caalaatti kan mul’atu, namicha sanaa wajjin fuulaa fuulatti yoo haasofnedha.