Saanduqa Gaaffii

◼ Nama Kitaaba Qulqulluu Qoʼachiisnu Qoʼachiisuu Dhaabuun Sirrii Kan Taʼu Yoomi?

Namni qoʼachiistan tokko karaa hafuuraa guddina hin godhu yoo taʼe, isa qoʼachiisuu keessan malaan addaan kutuu qabdu taʼa. (Mat. 10:11) Kana irratti yaadaa: Beellama qoʼannaa isaa ni eegaa? Qoʼannaa isaatiif dursee ni qophaaʼaa? Walgaʼiiwwan gumii tokko tokko irratti ni argamaa? Wanta barachaa jiru namoota kaanitti ni himaa? Seera buʼuuraa Kitaaba Qulqulluu wajjin haala wal simuun jijjiirama gochaa jiraa? Namoonni garaa garaa saffisni guddina itti godhan garaa gara akka taʼe hubachuudhaan umurii fi dandeettii isaa tilmaama keessa galchuu akka qabdan beekamaa dha. Isa qoʼachiisuu erga dhiistanii boodas gara fuulduraatti qoʼannaa isaa itti fufuu akka dandaʼu ifa godhaafii.—1 Xim. 2:4.