Faarfannaawwan Mootummichaatti Akka Gaariitti Fayyadamuu

Tajaajiltoonni Waaqayyoo, muuziqaan kennaa gaarii Yihowaarraa argame akka taʼe yaadu. (Yaq. 1:17) Gumiiwwan hedduun walgaʼii duraafi booda sagaleesaa gadii qabanii Faarfannaawwan Mootummichaa ni taphachiisu. Muuziqaa Mootummichaa taphachiisuun, gara walgaʼichaatti haala nama tasgabbeessuun akka simatamne kan argisiisudha. Akkasumas, sammuun keenya waaqeffannaadhaaf akka qophaaʼu gargaara. Kitaaba faarfannaa keenyarraa faarfannaawwan haaraan banamuunsaanii, muuziqicha akka beeknuufi sirritti akka faarfannu nu gargaara. Walgaʼii booda muuziqaan akkasii banamuunsaa, haalli gammachiisaan wal jajjabeessuuf nu gargaaru akka uumamu godha. Kanaafuu, qaamni jaarsolii walgaʼii duraafi booda muuziqaan Siingi Tuu Jehoovaa—Piyaanoo Akkampaanimanti jedhamu akka banamu gochuu qabu. Sagaleen muuziqichaa kan hin jeeqneefi waliin haasaʼuuf kan hin rakkisne taʼuusaas mirkaneessuu qabu.