Sanbadduraa Isa Jalqabaatti Qayyabannaa Macaafa Qulqulluu Jalqabsiisuurratti Xiyyeeffadhaa

Caamsaa 2011 kaasee, babal’istoonni Sanbadduraa jalqabaa ji’a hundumaarratti qayyabannaa Macaafa Qulqulluu jalqabsiisuurratti akka xiyyeeffatan jajjabeeffamaniiru. Gama kanaan nu gargaaruuf, Masaraa Eegumsaa raabsamurratti matadureen “Deebii Gaaffii Macaafa Qulqulluu” jedhu walitti aansee ba’aa jira. Kanaafuu, walga’iin tajaajila dirree Sanbadduraa jalqabaarratti godhamu, qayyabannaa Macaafa Qulqulluu jalqabsiisuuf mataduree kanatti akkamitti fayyadamuun akka danda’amu kan ibsuufi hojiin argisiisa kan dabalate ta’uu qaba.

Jaarsoliin, Sanbadduraa jalqabaatti tuutni tajaajilaa hundi mataasaa danda’ee akka wal ga’u ykn hundisaanii tarii Galma Mootummaatti bakka tokkotti akka wal ga’an murteessuu danda’u. Haata’u malee, Galma Mootummichaatti kan fayyadaman gumiiwwan hedduu yoo ta’an, gumiin kamiyyuu walga’ii tajaajila dirree bakkuma tokkotti gochuuf jecha, guyyaa addaa qayyabannaa Macaafa Qulqulluu itti jalqabsiisnu kana guyyaa kan biraatti dabarsuu hin qabu.