Barattoonni Keessan Yihowaa Wajjin Hariiroo Dhuunfaa Akka Qabaatan Isaan Gargaaraa

Yihowaan jaalalaan kakaanee akka isa tajaajillu barbaada. (Mat 22:37, 38) Barattoonni Kitaaba Qulqulluu jijjiirama barbaachisu akka godhanii fi qorumsa keessatti jabaatanii akka dhaabbatan kan isaan gargaaru jaalala Waaqaaf qabani dha. (1Yo 5:3) Akka cuuphaman kan isaan kakaasus jaalaluma Waaqayyoof qabani dha.

Jaalala Waaqayyo isaaniif qabu akka hubatan barattoota keessan gargaaraa. Gaaffiiwwan kana isaan gaafadhaa: “Kun waaʼee Yihowaa maal si barsiise?” ykn “Kun jaalala Waaqayyo siif qabu kan argisiisu akkamitti?” Yihowaan dhuunfaatti isaan gargaaraa kan jiru akkamitti akka taʼe akka hubatan isaan gargaaraa. (2Se 16:9) Yihowaan kadhannaa dhimma tokko ilaalchisee dhiheessitan akkamitti akka isiniif deebise isaanitti himaa, akkasumas Yihowaan kadhannaa isaanii akkamitti akka isaaniif deebisu akka hubatan gargaaraa. Barattoonni keenya yeroo jaalala Yihowaan isaaniif qabu hubatanii fi isaa wajjin hariiroo cimaa uuman arguun baayʼee nama gammachiisa.

VIIDIYOO BARATTOONNI KITAABA QULQULLUU KEESSAN YIHOWAA WAJJIN HARIIROO DHUUNFAA AKKA QABAATAN ISAAN GARGAARAA JEDHAMU ERGA ILAALTANII BOODA, GAAFFIIWWAN ARMAAN GADII DEEBISUUF YAALAA

• 

  Rakkinni akkamii Saaraa mudatee ture?

• 

  Maartaan Saaraa kan gargaarte akkamitti?

• 

  Saaraan rakkinicha kan moote akkamitti?