Kiristiyaanota Muuxannoo Qaban Irraa Maal Barachuu Dandeenya?

Gumiiwwan keenya keessatti obboloonni waggoota hedduudhaaf Yihowaa tajaajilan jiru. Amantii Yihowaa irratti qaban irraa barumsa argachuu dandeenya. Waaʼee seenaa jaarmiyaa Yihowaa, rakkoowwan isaan mudatee fi rakkoowwan kana gargaarsa Yihowaatiin kan moʼan akkamitti akka taʼe isaan gaafachuu dandeenya. Muuxannoo isaanii akka nutti himaniif Waaqeffannaa Maatii keenya irratti obboloota akkasii affeeruu dandeenya.

Kiristiyaana muuxannoo qabdu yoo taate, fedhiidhaan waaʼee muuxannoo keetii obboloota akka kee mana Yihowaa keessa yeroo dheeraa hin turretti himi. Yaaqoobii fi Yoseef sanyiiwwan isaanitti muuxannoo isaanii himaniiru. (Uma 48:21, 22; 50:24, 25) Yeroo booda Yihowaan dhiironni mataa maatii taʼan hundi wantoota dinqisiisoo Yihowaan raawwate ijoollee isaanitti akka himan isaan ajajee ture. (Kes 4:9, 10; Far 78:4-7) Yeroo ammaatti warrii fi obboloonni gumii keessatti argaman kaan wantoota dinqisiisoo Yihowaan jaarmiyaa isaatti fayyadamee raawwatee fi ija isaaniitiin argan dhaloota haaraatti himuu dandaʼu.

VIIDIYOO YEROO DHORKAA JALA JIRRUTTI ILLEE TOKKUMMAA KEENYA EEGUU JEDHAMU ERGA ILAALTANII BOODA GAAFFIIWWAN ARMAAN GADII DEEBISUUF YAALAA:

• Waajjirri damee Ostiriyaa obboloota naannoowwan hojiin keenya dhorkametti argaman gargaaraa kan ture akkamitti?

• Obboloonni naannoowwan kanatti argaman amantii isaanii eeganii jiraachuuf maal godhaniiru?

• Babalʼistoonni Roomaaniyaa keessatti argaman hedduun jaarmiyaa Yihowaa irra adda of baasanii kan turan maaliifi? Deebiʼuu kan dandaʼan hoo akkamitti?

• Muuxannoon kun amantii kee kan cimse akkamitti?